បាត់ដំបង ៖ កម្លាំងអាវុធហត្ថការិយាល័យប្រឆាំងគ្រឿងញៀនខេត្តបញ្ជូនមនុស្សប្រុសស្រី៣នាក់និងថ្នាំញៀន៣ងថង់ស្មើទម្ងន់២,៩៧ក្រាម ព្រមទាំងសម្ភារៈមួយចំនួន ទៅតុលាកានារសៀលថ្ងៃទី៧ ខែមិថុនា ឆ្នាំ២០១៥ ចាត់ការតាមនិតិវិធី ។
មនុស្សប្រុសស្រី ៣ នាក់ត្រូវកម្លាំងអាវុធហត្ថស្រុកមោងឬស្សីឃាត់ខ្លួនបន្តបន្ទាប់ កាលពីម៉ោង១៩និង៣០នាទីថ្ងៃទី៥ ខែមិថុនា ឆ្នាំ២០១៥ ចំណុចមុខវត្តសូរិយា ភូមិគារ ៣ ឃុំគារ ឃាត់បុរសម្នាក់ដកហូតថ្នាំញៀន ម៉ាទឹកកក ១ ថង់ និងម៉ោង ៨ ព្រឹកថ្ងៃទី ៦ ខែមិថុនា ឆ្នាំ២០១៥ ឃាត់ខ្លួនស្ត្រី ២ នាក់និងថ្នាំញៀន ២ ថង់ នៅបន្ទប់ជួលនៅភូមិពោធិ៍ ១ ឃុំគារ ស្រុកមោងឬស្សី ខេត្តបាត់ដំបង ។
មនុស្សប្រុសស្រី ៣ នាក់ដែលឃាត់ខ្លួនទី ១ មានឈ្មោះ ម៉ូវ ចិន ភេទប្រុសអាយុ៣៣ឆ្នាំ មានទីលំនៅភូមិពោធិ៍១ ឃុំគារ ស្រុកមោងឬស្សី ខេត្តបាត់ដំបង ។ ទី ២ មានឈ្មោះ ង៉ា ស្រីរ័ត្ន អាយុ២៤ឆ្នាំ របរខារ៉ាអូខេជាសង្សាបុរសសង្ស័យខាងលើ ។ ទី៣ ឈ្មោះ ប៊ិ សូទី អាយុ២៥ឆ្នាំ របរខារ៉ាអូខេ រស់នៅភូមិស្នឹងលិចឃុំស្នឹងស្រុកបាណន់ ខេត្តបាត់ដំបង ។ វត្ថុតាងដកហូតបានសរុបថ្នាំញៀនម៉ាទឹកកក ៣ ថង់ ស្មើ២,៩៧ក្រាម ម៉ូតូ១គ្រឿងម៉ាកសង់ពណ៌ខ្មៅ និងទូរស័ព្ទដៃ១គ្រឿង ទូរស័ព្ទ ៤ គ្រឿង ប្រាក់ខ្មែរ ៥០ ម៉ឺនរៀល ប្រាក់អាមេរិក៥០ដុល្លានិងប្រាក់ថៃ៩០០បាត ។
បុរសសង្ស័យបានសារភាពថាថ្នាំញៀនម៉ាទឹកកកទាំងនេះខ្លួនទិញមកពីខេត្តពោធិ៍សាត់ដើម្បីចែកចាយបន្ត ។
ស្ត្រីសង្ស័យឈ្មោះ ង៉ា ស្រីរ័ត្ន បានសារភាពថា ថ្នាំញៀនម៉ាទឹកកកបុរសសង្ស័យជាសង្សារបានលាក់ទុកនៅក្នុងប្រអប់ម្សៅនិងកញ្ចប់បារីនៅបន្ទប់ជួល ៕
