បាត់ដំបង ៖ កម្លាំងនគរបាលការិយាល័យប្រឆាំងគ្រឿងញៀនខេត្តប្រតិបត្តិការឃាត់ខ្លួនបុរស២ នាក់និងថ្នាំញៀន ៨ ថង់ ស្មើទម្ងន់៧,៧០ក្រាមក្នុងបទល្មើសជាក់ស្តែងកាលពីវេលាម៉ោង១៦រសៀលថ្ងៃទី៦ ខែមិថុនា ឆ្នាំ២០១៥ នៅតាមផ្លូវចំណុចភូមិភ្ជាវ ឃុំត្រែង ស្រុករតនៈមណ្ឌល ខេត្តបាត់ដំបង ។
មន្ត្រីនគរបាលការិយាល័យប្រឆាំងគ្រឿងញៀនខេត្ត បានអោយដឹងថា បុរសសង្ស័យដែលឃាត់ខ្លួន ២ នាក់នោះ មានទី ១ ឈ្មោះ ឯល រ៉ស់ម៉ាន ហៅ ម៉ៅ អាយុ៣៨ឆ្នាំ ជាម្ចាស់ថ្នាំ មានទីលំនៅភូមិនរា ២ ឃុំនរា ស្រុកសង្កែ ខេត្តបាត់ដំបង ។ ទី២ ឈ្មោះ ឈឹម កុសល ហៅពយអាយុ២៨ឆ្នាំ ជាអ្នកប្រើប្រាស់ថ្នាំញៀន មានទីលំនៅភូមិភ្ជាវ ឃុំត្រែង ស្រុករតនៈមណ្ឌលខេត្តបាត់ដំបង ។ វត្ថុតាងដែលរឹបអូសបានមានថ្នាំញៀនម៉ាទឹកកក ៨ ថង់ ស្មើទម្ងន់៧,៧០ក្រាម និងថ្នាំញៀនយ៉ាម៉ាចំនួន ៩ គ្រាប់ ស្មើទម្ងន់ ០,៨៦ ក្រាម ជញ្ជីងថ្លឹងថ្នាំញៀន១គ្រឿង ដបច្រកថ្នាំចំនួន ១ ដែកកេះចំនួន ៣ គ្រឿង ថង់ច្រកមួយចំនួន ទូរស័ព្ទ ២ គ្រឿង កាបូបដាក់ប្រាក់ចំនួន ១ និងម៉ូតូម៉ាកឃ្លិកចំនួន ១ គ្រឿង ។
បច្ចុប្បន្នជនសង្ស័យទាំង ២ នាក់សមត្ថកិច្ចកំពុងសាកសួរបន្ថែម ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធី ៕
សុខ កុសល
