បាត់ដំបង ៖ បុរសម្នាក់ចាប់រំលោភនារីម្នាក់មិនគ្រប់ទឹក(ពិការពីកំណើត)មិនបានសម្រេច ត្រូវបងប្អូនស្ត្រីរងគ្រោះនិងអ្នកស្រុកចាប់ប្រគល់អោយសមត្ថកិច្ច កាលពីម៉ោង២១និង៣០នាទីថ្ងៃទី២ ខែមិថុនា ឆ្នាំ២០១៥ នៅភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង ។
ប្រភពពីនគរបាលស្រុកបាណន់បានអោយដឹងថា បុរសសង្ស័យដែលឃាត់ខ្លួនមានឈ្មោះ វ៉ន ឡូញ ហៅ ឆ្លូញ អាយុ ៣២ ឆ្នាំ រស់នៅភូមិកើតហេតុ ។ ចំណែកនារីរងគ្រោះមានឈ្មោះ ឃសជ អាយុ២០ឆ្នាំ រស់នៅភូមិជាមួយគ្នា ។
តាមប្រភពពីបុរសឈ្មោះ ហួន ហន ត្រូវជាបងថ្លៃនារីរងគ្រោះបានប្រាប់សមត្ថកិច្ចអោយដឹងថា នៅពេលយប់កើតហេតុ បាត់ប្អូនស្រីក៏ហៅបងប្អូននិងអ្នកភូមិដើរស្រែករក ក្រោយមក ក៏ចាំងភ្លើងពិលឃើញជនសង្ស័យកំពុងធ្វើសកម្មភាពចាប់នារីរងគ្រោះនៅគុម្ពចេក ក៏នាំគ្នាព័ទ្ធចាប់ប្រគល់អោយនគរបាលប៉ុស្តិ៍តែម្តង ។
ជនសង្ស័យបានសារភាពថា ខ្លួនពិតជាបាននាំនាងទៅចាប់រំលោភមែន តែមិនទាន់បានសម្រេចផងក៏ ត្រូវអ្នកជិតខាងមកចោមរោមចាប់ខ្លួន ។
នគរបាលស្រុកបាណន់បានបញ្ជាក់ថា ជនសង្ស័យត្រូវបានកសាងសំណុំរឿងពីបទរំលោភសេពសន្ថវៈបញ្ជូន ទៅស្នងការដ្ឋាននគរបាលខេត្តនារសៀលថ្ងៃទី៣ ខែមិថុនា ឆ្នាំ២០១៥ ចាត់ការតាមផ្លូវច្បាប់ ៕
សុខ កុសល
