ខេត្តរតនៈគិរី ៖ លោក ម៉ម វណ្ណដា ព្រះរាជអជ្ញារងដឹកនាំកម្លាំងចម្រុះនគរបាលអាវុធហត្ថនិងរដ្ឋបាលព្រៃឈើ ចុះបង្ក្រាបទីតាំងស្តុបឈើប្រណិត ១ កន្លែង កាលពីម៉ោង៨និង៣០នាទីថ្ងៃទី២១ខែឧសភាឆ្នាំ២០១៥នៅផ្ទះជួល ចំណុចភូមិអភិវឌ្ឍន៍សង្កាត់ឡាបានសៀកក្រុងបានលុង។
ប្រភពបានអោយដឹងថា ឈើដែលស្តុបទុកនៅទីតាំងបង្ក្រាបសង្ស័យជាឈើខ្សែស្រឡាយលោកណូមេការរបស់ក្រុមហ៊ុនឬទ្ធីសី ។
លោក ម៉ម វណ្ណដា ព្រះរាជអាជ្ញារងអមសាលាដំបូងខេត្តនគិរីបានអោយដឹងថា ការបង្ក្រាបទីតាំងស្តុបឈើប្រណិតប្រភេទធ្នង់នេះ គឺដោយការមានការសហការខ្ពស់ពីកម្លាំងជំនាញទើបដំណើរការបានរលូន ប៉ុន្តែយើងមិនអាចរកឃើញម្ចាស់ឈើទាំងនេះ ដើម្បីអោយពួកគាត់ចូលរួមធ្វើកិច្ចសន្យាឈប់ទិញឬលក់ឈើខុសច្បាប់តទៅទៀត។
សមត្ថកិច្ចកំពុងស្រាវជ្រាវរកម្ចាស់ឈើនិងរុករកបង្ក្រាបទីតាំងសិប្បកម្មឈើដ៏ទៃទៀត ដើម្បីអោយមានតម្លាភាព ៕
