ឈ្មូញឈើឈ្មោះ វិសាល ជាមេការ ឱ្យក្រុមហ៊ុន ទ្រី ភាព ហើយជាអ្នកកាន់លុយសម្រាប់ការទូទាត់ទិញ ឈើប្រណីត ឬបើករបបឱ្យសមត្ថកិច្ចនិងមន្ត្រី ពាក់ព័ន្ធឱ្យក្រុមហ៊ុន ទ្រី ភាព ទៅប្រើប្រាស់សម្រាប់ផល ប្រយោជន៍។
ដោយឡែកក្រុមហ៊ុនរបស់ឧកញ៉ា ទ្រី ភាព ដែលមានមេការឈ្មោះ វិសាល និងជាអ្នកចាត់ចែងកាន់ការងារលុយកាក់ បានបង្កើតទីតាំងស្តុកឈើដ៏ធំមួយកន្លែងនៅក្បែរច្រកព្រំដែន អន្តរជាតិ អូរយ៉ាដាវ ក្នុងភូមិប៉ក់ធំ ឃុំប៉ក់ញ៉ៃ ដើម្បីងាយស្រួលដឹកជញ្ជូនទៅលក់នៅវៀតណាមហើយទីតាំងស្តុកឈើដ៏ធំ មួយនេះ ចាំប្រមូលទិញពីឈ្មួញកណ្តាល ឬឈ្មួញតូចតាចទាំងយប់ទាំងថ្ងៃមានប៉ុន្មានទិញទាំងអស់ដោយលោកវិ សាល ចាំទូទាត់លុយកាក់។
ការកាប់បំផ្លាញព្រៃឈើនៅតាមតំបន់ព្រៃ ការពារព្រៃសហគមន៍ជាពិសេសនៅ ដែនជម្រកសត្វព្រៃលំផាត់ និងព្រៃសហគមន៍របស់ជនជាតិភាគតិចនៅស្រុកវ៉ឺនសៃ ត្រូវបានកាប់បំផ្លាញយ៉ាងវិនាសហិនហោច ដោយសារតែការបំផុសពីឈ្មួញកណ្តាលមួយចំនួន ។
ក្រុមហ៊ុន ទ្រី ភាព ទទួលបានសិទ្ធិផ្តាច់មុខក្នុងការប្រមូលទិញឈើដែលបានមកពីការបង្ក្រាប របស់សមត្ថកិច្ចនិងមន្ត្រីជំនាញ។ ជនរកស៊ីឈើឈ្មោះសាល បានចាត់តាំងបណ្តាញឱ្យចាំប្រមូលទិញឈើប្រណីតពីប្រជាពលរដ្ឋនិង ឈ្មួញតូចតាចនៅតាមបណ្តាស្រុក ដើម្បីដឹកជញ្ជូនយកមកស្តុកទុកនៅឃ្លាំងដ៏ធំនៅក្បែរច្រកព្រំដែន អន្តរជាតិអូរយ៉ាដាវ។
ការប្រមូលទិញឈើប្រណីតដែលគ្មានប្រភាពច្បាស់លាស់ ភាគច្រើនជាឈើដែលបានមកពីការកាប់បំផ្លាញនៅតាមព្រៃសហគមន៍ ដែនជម្រកសត្វព្រៃលំផាត់ នៅទូទាំងខេត្តរតនគិរី ហាក់ដូចជាការលើកទឹកចិត្តឱ្យឈ្មួញតូចតាចនិងប្រជាពលរដ្ឋកាប់បំផ្លាញ ព្រៃឈើយ៉ាងវិនាសហិនហោច ដូចដែលប្រជាពលរដ្ឋមួយចំនួនបានលើកឡើងថាក្រុមហ៊ុនឧកញ៉ា ទ្រី ភាព បានពាក់ព័ន្ធយ៉ាងជ្រៅជាមួយឧក្រិដ្ឋកម្មបំផ្លាញព្រៃឈើនៅក្នុង ខេត្តរតនគិរី ។
មេការឈ្មោះវិសាលរបស់ក្រុមហ៊ុន ទ្រី ភាព ដ៏មានឥទ្ធិពលប្រចាំខេត្តរតនគិរី កំពុង យកលុយយកទៅបើកប្រាក់ខែ ជូនសមត្ថកិច្ចនិងមន្ត្រីជំនាញដែលជួយសម្របសម្រួលសម្រាប់ ការដឹកជញ្ជូនឈើខុសច្បាប់របស់ក្រុមហ៊ុន ទ្រី ភាព និងដើម្បីការពារមុខជំនួញប្រមូលទិញឈើ ៕
