ខេត្តឧត្តរមានជ័យ ៖ ភ្លៀងមួយមេបង្កើតខ្យល់ព្យុះវាយបក់ផ្ទះប្រជាពលរដ្ឋ១៤៩ ខ្នងនិងវត្តចំនួន១និងសាលារៀនចំនួន១ខ្នងបង្កអោយខូចខាតជាដំណំ កាលយប់ថ្ងៃទី ២១ ខែមេសា ឆ្នាំ ២០១៥ ស្ថិតសង្កាត់កូនក្រៀល. ក្រុងសំរោង ខេត្តឧត្តរមានជ័យ។
តាមប្រភពពីសមត្ថកិច្ចនគរបាលក្រុងសំរោងបានអោយដឹងថាខ្យល់ព្យុះបានវាយបក់បោកលើភូមិចំនួន ៣ គឺ ១/ ភូមិ គោកឈូក ២/ ភូមិអូរប្ញស្សី ៣/. ភូមិស្រះប្រិច ក្នុងនោះមានសាលាឆាន់ក្នុងវត្តគោកឈូកមួយផងដែរ ដែលត្រូវបានលោតទម្លាក់ចុះពីលើជើងតាង ខូចទាំងស្រុងផងដែរ ផ្ទះប្រជាពលរដ្ឋដែលបានខូចខាតនៅតាមភូមិនិមួយៗសរុបចំនួន ១៤៩ ខ្នងផ្ទះ។
លោក ស ថាវី អភិបាលខេត្តឧត្តរមានជ័យព្រឹកថ្ងៃទី ២២ ខែមេសារឆ្នាំ ២០១៥ បាននាំយកនៅអំណោយ មានដូចជា អង្ករ១០០គីឡូត៍ មី៤កេះ មកចែកជូនដល់ប្រជាពលរដ្ឋដែលរងគ្រោះនិងថវិការក្នុងម្នាក់ៗបាន២មឺនរៀល ។ ព្រះសង្ឃក្នុងមួយអង្គ ថវិកា ៤ មឹនរៀល តាជីដូនជីក្នុងម្នាក់ៗបាន ២ ម៉ឺនរៀល និងសម្ភារៈផ្សេងៗមួយចំនួនទៀត. សម្រាប់ផ្គត់ផ្គង់ក្នុងវត្តគោកឈូក ៕
ព្រំសំ
