ខេត្តបាត់ដំបង ៖ កម្លាំងសមត្ថកិច្ចចម្រុះនគរបាលអាវុធហត្ថ និងព្រះរាជអជ្ញាបានឡោមព័ន្ធផ្ទះ ១ កន្លែង ដើម្បីចាប់បុរសម្នាក់បង្កហឹង្សាបងប្អូន និងជាឪពុកចាប់បង្ខាំងក្មេងស្រី អាយុជាង១ខួបចាក់សាំង និងយកកាំបិតគំរាមសម្លាប់នៅលើផ្ទះ នារសៀលថ្ងៃទី០៨ ខែមេសា ២០១៥ ស្ថិតនៅក្រុមទី៥ភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង។
ប្រភពពីឈ្មោះ សៀង គឹមហ៊ាង អាយុ៦០ឆ្នាំនៅផ្ទះជាមួយនិងជាម្តាយជនបង្កបានអោយដឹងថា កូនប្រុសឈ្មោះប៊ូ រតនាហៅទៀងអាយុ៣០ឆ្នាំគ្មានរបរផឹកស្រាជក់ថ្នាំញៀន មានប្រពន្ធឈ្មោះ វឿន សុខុន អាយុ២៧ឆ្នាំទូលនំលក់និងរត់តុតាមហាងនិងមានកូនស្រីម្នាក់អាយុជាង១ឆ្នាំ។
ឈ្មោះប៊ូ រតនា ហៅទៀងដោយប្រើគ្រឿងញៀនច្រើនពេក (ប៊ឺថ្នាំញៀន)និងប្រច័ន្ទប្រពន្ធផងពេលនាងមិននៅផ្ទះវា(ឈ្មោះប៊ូរតនាហៅទៀង)បានរករឿងប្អូនស្រីវា(មានប្តីហើយ)និងរូបខ្ញុំព្រមទាំងវាយបែកចានឆ្នាំងអស់ ដោយអំពើហឹង្សាលើប្អូនស្រីខាងប្តីនាងបានប្តឹងសមត្ថកិច្ចជួយអន្តរាគមន៍។
សមត្ថកិច្ចបានបញ្ជាក់ថាជនបង្កបានដាក់គន្លឹះខាងក្នុងផ្ទះហើយនាំកូនស្រីទៅលើផ្ទះនិងយកសាំងចាក់លើពូកគំរាមព្រមទាំអកាន់កូនកាំបិតចិតបន្លែគំរាមសម្លាប់កូនស្រីអាយុជាង១ខួបផងដែរ ពេលនេះ កម្លាំងសមត្ថកិច្ចកំពុងតែធ្វើឡោមព័ន្ធនិងធ្វើការលួងលោម សម្របសម្រួល ដើម្បីរំដោះកូនស្រីចេញមកវិញ។តែលទ្ធផលរំដោះក្មេងស្រីមិនបានសម្រេចទេលុះម៉ោង៤និង៣០នាទីកម្លាំងសមត្ថកិច្ចបានដកថយទុកអោយសាចញាតិចាំខ្លមមើលពេលជនបង្កបើកទ្វាសមត្ថកិច្ចនិងទៅវិញភ្លាម ៕
