បាត់ដំបង ៖ វិទ្យុអាស៊ីសេរី ដែលធ្លាប់់ផ្សព្វផ្សាយបំរើប្រជាពលរដ្ឋទូទៅ ត្រូវលោក សួន សុផលមនី អ្នកយកព័ត៌មានអោយវិទ្យុនេះ ប្រចាំទិសភាគពាយ័ព្យ ខេត្តបាត់ដំបង ខេត្តបន្ទាយមានជ័យ និងខេត្តប៉ៃលិនថា វិទ្យុអាស៊ីសេរីមិនបំរើវិជ្ជាជីវៈ មានភាពលំអៀងទៅគណបក្សប្រឆាំង កាលពីម៉ោង១០ ព្រឹក ថ្ងៃទី០៩ ខែកក្កដា ឆ្នាំ២០១៤ នៅលើសណ្ឋាគារស្ទឹងសង្កែ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។
លោក សួន សុផលមនី អ្នកយកព័ត៌មានវិទ្យុអាស៊ីសេរី ប្រចាំទិសភាគពាយ័ព្យ ខេត្តបាត់ដំបង ខេត្តបន្ទាយមានជ័យ និងខេត្តប៉ៃលិន បានប្រាប់ក្រុមអ្នកយកព័តមាន កាលពីម៉ោង១០ព្រឹក ថ្ងៃទី០៩ ខែកក្កដា ឆ្នាំ២០១៤ នៅលើសណ្ឋាគារស្ទឹងសង្កែ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបងថា រូបគាត់បានបំរើការងារ ក្នុងវិទ្យុអាស៊ីសេរី អស់ពេលជាច្រើនឆ្នាំមកហើយ តាំងពីខែកក្កដាឆ្នាំ២០០៨ ហើយក៏បានទូរស័ព្ទ ទៅប្រធានអង្គភាព វិទ្យុអាស៊ីសេរី នៅព្រឹកថ្ងៃទី០៩ ខែកក្កដា ឆ្នាំ២០១៤ ដើម្បីសុំឈប់ ព្រោះយល់ឃើញថ្នាក់ដឹកនាំវិទ្យុអាស៊ីសេរី បច្ចុប្បន្នខុសពីវិទ្យុអាស៊ីសេរីឆ្នាំមុន មិនបំរើការតាមលក្ខខណ្ឌបំរើប្រយោជន៍រួម សំរាប់សង្គមឡើយ គឺមានលក្ខណៈទន់ទោរទៅរកគណបក្សប្រឆាំង រូបមានកំហុសតិចតួច កាលពីដើមខែកក្កដា មិនបានធ្វើការផ្សព្វផ្សាយ ពេលគណបក្សសង្គ្រោះជាតិ ចុះសួរសុខទុកពលករឆ្លងដែនខុសច្បាប់ នៅក្រុងប៉ោយប៉ែតខេត្តបន្ទាយមានជ័យ ។
លោក សួន សុផលមនី បានបញ្ជាក់ថា បោះបង់វិជ្ជាជីវៈ អ្នកសារព័ត៌មាននេះ រូបលោកមិនទាន់ដឹងថា នឹងទៅចាប់យកអាជីពអ្វីផ្សេងដែរ ហើយក៏មិនមានចូលទៅគណបក្សនយោបាយណាមួយឡើយ ។ គ្រាន់តែផ្តាំផ្ញើរទៅបងប្អូនធ្លាប់ស្តាប់វិទ្យុអាស៊ីសេរីថា រូបលោកបានលាឈប់ពីការងារចាប់ពីថ្ងៃនេះតទៅ ៕
