ខេត្តប៉ៃលិន ៖ តាមការអោយដឹងសាច់ញាតិជនរងគ្រោះ នៅព្រឹកថ្ងៃទី៤ ខែមេសា ឆ្នាំ២០១៥ថា ក្នុងអំពើហឹង្សាមានស្ថានទម្ងន់ទោស នៅភូមិពេជ្រគិរី កាលយប់ថ្ងៃទី១ ខែមេសា ជនសង្ស័យមួយចំនួនត្រូវបានគេដោះលែងអោយនៅក្រៅឃុំ ហើយជនសង្ស័យទាំងនោះ បានទៅគំរាមវាយសម្លាប់អ្នកភូមិ និងសាក្សីចោល ។
គួររំលឹក នៅថ្ងៃទី០១ ខែមេសា ឆ្នាំ២០១៥ វេលា ម៉ោង ១៩:២០នាទី យប់មានជនសង្ស័យ ១ ក្រុមជិះរថយន្តកែច្នៃ មានគ្នាប្រហែល១០នាក់ ប្រដាប់ដោយដុំថ្មកាំភ្លើងខ្យល់ ក្រោមបញ្ជាឈ្មោះ យឿន និងឈ្មោះ សំអឿន បានប្រើអំពើហិង្សាវាយប្រជាពលរដ្ឋ ៥ ផ្ទះ កំពុងអង្គុយពិភាក្សារឿងទៅស៊ីឈ្នួលដាំដំឡូងអោយគេ បណ្តាលអោយមានរបួសសងខាងស្ថិតក្នុង ភូមិពេជ្រគិរី សង្កាត់ប៉ៃលិន ក្រុងប៉ៃលិន ខេត្តប៉ៃលិន ។ ក្នុងការវាយប្រហារដោយដុំថ្មនោះ ភាគីបង្កបានយកម៉ូតូជនរងគ្រោះ ១ គ្រឿងទៅផងដែរ ហាក់បីដូចជាប្លន់ ។
ភាគី ក (ដើមបណ្តឹង) របួស ០៤នាក់(ប្រុស) ធ្ងន់ ០៣ ស្រាល ០១ ០១- ឈ្មោះគាត ពិសី ភេទប្រុស អាយុ ១៧ ឆ្នាំ មុខរបរ កសិករ (របួសធ្ងន់ ប្រអប់ដៃឆ្វេង) ០២- ឈ្មោះ ផៃ ទ្រីន ភេទប្រុស អាយុ ១៧ ឆ្នាំ មុខរបរ កសិករ (របួសធ្ងន់ បែកក្បាល) ០៣- ឈ្មោះ បឿន ភេទប្រុស អាយុ៤៤ឆ្នាំ មុខរបរ កសិករ (របួសធ្ងន់) ០៤- ឈ្មោះ គាត វិចិត្រ ភេទប្រុស អាយុ២១ឆ្នាំ មុខរបរ កសិករ (របួសស្រាល) ជនរងគ្រោះខាងលើមានអាសយដ្ឋានបច្ចុប្បន្ន នៅភូមិពេជ្រគិរី សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ចំណែកភាគី ខ (ជនដៃដល់) របួស ០១នាក់(ប្រុស) នៅសល់០៧នាក់គ្មានរបួស មានដូចខាងក្រោម៖ ០១-ឈ្មោះ សឿន សំអុល ភេទប្រុស អាយុ ២៨ឆ្នាំ មុខរបរកសិករ ០២-ឈ្មោះ ស៊ិន អែម ភេទប្រុស អាយុ ៤៧ឆ្នាំ មុខរបរកសិករ ០៣-ឈ្មោះ ភិម បាន ភេទប្រុស អាយុ ៣២ឆ្នាំ មុខរបរកសិករ
០៤-ឈ្មោះ ឡុង វ៉ាន់ស៊ិន ភេទប្រុស អាយុ ៣៦ឆ្នាំ មុខរបរកសិករ ០៥-ឈ្មោះ រិន ណាក់ ភេទប្រុស អាយុ ៣៣ឆ្នាំ មុខរបរកសិករ ០៦-ឈ្មោះ បួ កុសល ភេទប្រុស អាយុ ១៧ឆ្នាំ មុខរបរកសិករ ០៧-ឈ្មោះ យ៉ង់ វឌ្ឍនា ភេទប្រុស អាយុ ១៧ឆ្នាំ មុខរបរកសិករ ។ ជនសង្ស័យខាងលើមានអាសយដ្ឋានបច្ចុប្បន្ននៅភូមិទឹកផុស សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
សាច់ញាតិជនរងគ្រោះបានរៀបរាប់ថា ឈ្មោះ គាត វិចិត្រ ត្រូវក្រុមបង្កនាំគ្នាមកវាយដល់ផ្ទះនិងយកម៉ូតូទៅបាត់ត្រូវគេឃុំខ្លួន រីឯក្រុមបង្កឈ្មោះ យឿន ជាមេខ្លៅង មិនបានចាប់និងរថយន្តកែច្នៃដឹកជញ្ជូនមនុស្សមិនឃាត់ទុក ហើយអ្នកបង្កចាប់បាន ៧ នាក់ដោះលែងអស់ ៥ នាក់ ។ ក្រោយពីដោះលែង ក្រុមជនបង្កបានគំរាមសំលាប់គ្រួសារជនរងគ្រោះ និងសាក្សីថែមទៀត ហេតុដូច្នេះ សូមអាជ្ញាធរមានសមត្ថកិច្ចគ្រប់លំដាប់ថ្នាក់ជួយរកយុត្តិធម៌ ដើម្បីអោយប្រជាពលរដ្ឋទន់ខ្សោយរស់នៅបានសុខសាន្តផង ។
ពាក់ព័ន្ធករណីនេះ លោក មាស សុផុន នាយការិយាល័យព្រហ្មទ័ណ្ឌកំរិតស្រាល ខេត្តប៉ៃលិន បានអោយដឹងថា រូបលោកបានបញ្ជូនក្រុមវាយគ្នា ៣ នាក់ទៅ តុលាកា ព្រោះអ្នកផ្សេងមិនមានការពាក់ព័ន្ធ ហើយបើប្រជាពលរដ្ឋចេះ ជាងនគរបាលអោយគាត់មកធ្វើការងារទៅ ។
លោក ជុំ សែន សុទ្ធា ព្រះរាជអជ្ញាអមសាលាដំបូងខេត្ត បានអោយដឹងថា រូបលោកបានអនុវត្តតាមនិតិវិធីច្បាប់ឃុំខ្លួនអ្នកប្រើហឹង្សាចំនួន ៣ នាក់ ដែលប៉ូលីសបញ្ជូនមក ពាក់ព័ន្ធការដោះលែងក្រុមសង្ស័យប៉ូលីសទទួលខុសត្រូវខ្លួនឯង។
លោក កើត សុធា គណៈបញ្ជាការកងឯកភាពខេត្តបានអោយដឹងថា រឿងប្រើហឹង្សានៅភូមិពេជ្រគិរីលោកបានទទួលដំណឹងរួចហើយប៉ុន្តែរឿងបន្តថ្មីទៀត លោកមិនទាន់បានដឹងទេ ហើយប្រសិនបើមានការគំរាមកំហែង ទៅលើជនរងគ្រោះ រូបលោកនឹងចាត់លោកស្នងការចុះស្រាវជ្រាវឡើងវិញ ៕
