ខេត្តបន្ទាយមានជ័យ ៖ កាលពីព្រឹកថ្ងៃទី១៨ ខែមីនា ឆ្នាំ២០១៥ នៅក្រុងប៉ោយប៉ែតខេត្តបន្ទាយមានជ័យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្ពោធពិធីបើកការដ្ឋានកសាងផ្លូវជាតិលេខ ៥៨ ជាសមិទ្ធផលថ្មីសំរាប់ប្រយោជន៍មនុស្សទូទៅ ងាយស្រួលចរាចរណ៍ដឹកទំនិញ និងកសិផលទៅលក់បានឆាប់រហ័ស ហើយមិននឹកស្មានរឿងផ្លាស់ប្តូរគណៈរដ្ឋមន្ត្រីស្រុកខ្មែរ បានផ្អើលដល់ប្រទេសជប៉ុននោះទេ ។
បើតាមរបាយការណ៍របស់រដ្ឋមន្ត្រីក្រសួងសាធារណការ និងដឹកជញ្ជូនឱ្យដឹងថា ៖ ផ្លូវជាតិលេខ៥៨ កសាងតភ្ជាប់ពីផ្លូវជាតិលេខ៥ ត្រង់ចំណុចភូមិសផ្សារកណ្តាល សង្កាត់ផ្សារ កណ្តាល ក្រុងប៉ោយប៉ែត រហូតដល់ក្រុងសំរោងខេត្តឧត្ថរមានជ័យ មានប្រវែង១៧៤.១៦គ.ម គ្រោងនិងចំណាយថវិកាក្រោមហិរញ្ញប្បទានរបស់ប្រទេសចិនចំនួន១២២លានដូល្លាសហរដ្ឋអាមេរិច.ផ្លូវជាតិ១ខ្សែនេះគឺជាផ្លូវដែលមានសារៈសំខាន់តភ្ជាប់តាមខ្សែបន្ទាត់ព្រំដែនកម្ពុជា-ថៃ សម្រាប់បំរើលើវស័យសេដ្ឋកិច្ចដោយមានការ ដោះដូរពាណិជ្ជកម្មរវាង ប្រទេសកម្ពុជា និង ប្រទេសថៃកាន់តែប្រសើរឡើង ថែមទាំងបង្កលក្ខណៈងាយស្រួលដល់ប្រជាជនដឹក ដំណាំ កសិផលយកទៅលក់ ក្នុងប្រទេថៃផងដែរ។
ក្នុងឱកាសនោះ អ្នកសារព័ត៌មានក្យូដូជប៉ុនប្រចាំកម្ពុជាចោទសួរសម្តេចថា តើមានការដោះដូរគណៈរដ្ឋមន្ត្រីរឺអត់ ? សម្តេចបានផ្តាំផ្ញើទៅវិញថា គឺសម្តេចមិននិយាយទេ ពីព្រោះសម្តេចមិនចង់ផ្ញើសារខុស ហើយមិនចង់ឱ្យអ្នកណាបកស្រាយខុសនោះទេ ។ សម្តេចបានមានប្រសាសន៍ទៀតថា រឿងផ្លាស់ប្តូរគណៈរដ្ឋមន្ត្រីនេះ បានផ្អើលដល់ប្រទេសជប៉ុន ។ សម្តេចលើកឡើងទៀត ថាការផ្លាស់ប្តួររឺ មិនផ្លាស់ប្តូរ នាយក រដ្ឋមន្ត្រី ដឹងពេកនោះហើយ ។ សម្តេចបានអរគុណ ណាស់ ដែលបានចេះសួរ ក៏ប៉ុន្តែសំណួរខ្លះ បើអាចជៀសវាងបាន គួរកុំសួរ ហើយចំណុចត្រូវ ឆ្លើយ គឺឆ្លើយ បើមិនត្រូវឆ្លើយក៏មិនឆ្លើយតែម្តង ។
សម្តេចតេជោ ហ៊ុន សែន បានលើកឡើងទៀតថា រឿងដោះដូរគណៈរដ្ឋមន្ត្រី កែសម្រួលគណៈរដ្ឋមន្ត្រី រឿងនេះមិនមែនរឿងតូចនោះទេ គឺគេចង់ដោះដូរពេលណាស្រេចតែគេ ដោយទុកពេលវេលាឱ្យគេធ្វើនោះមើល ។ សម្តេចតេជោនាយករដ្ឋមន្ត្រីបានលើកឡើងទៀតថា ៖ ការដោះដូរនេះ សូម្បីតែរដ្ឋមន្ត្រីចៅហ្វាយខេត្ត មេទ័ពនិងមេប៉ូលីសត្រូវដោះដូរ គឺដូរគេមិនឱ្យដឹងខ្លួននោះផង ។
សម្តេចបានលើកឡើងទៀតថា បើចាំដល់ថ្ងៃត្រូវដូរ ចាំផ្សាយតែម្តង បានទេ រឺមួយចង់បានព័ត៌មានក្តៅហ៊ុយ ៕
