បាត់ដំបង ៖ កម្លាំងនគរបាលការិយាល័យព្រហ្មទណ្ឌ កំរិតស្រាលបញ្ជូនខ្លួនបុរសម្នាក់ពីបទរំលោភទំនុកចិត្តយកម៉ូតូមិតភ័ក្តទៅបញ្ចាំនិងដឹកជញ្ជូនគ្រឿងញៀនទៅតុលាកាកាលព្រឹកថ្ងៃទី១២ខែមិនាឆ្នាំ២០១៥ចាត់ការតាមនិតិវិធី បន្ទាប់ពីនគរបាលក្រុងបាត់ដំបងបញ្ជូនមក។
បុរសសង្ស័យត្រូវនគរបាលក្រុងបាត់ដំបងឃាត់ខ្លួនពេលដើរកាន់ថ្នាំញៀនកាលពីថ្ងៃទី១១ខែមិនាឆ្នាំ២០១៥នៅភូមិវត្តលៀបសង្កាត់ចំការសំរោងក្រុងបាត់ដំបង។
មន្ត្រីនគរបាលបានអោយដឹងថា យុវជនរងគ្រោះបាត់ម៉ូតូ១គ្រឿងម៉ាកសង់សេ១២៥ពណ៌ខ្មៅពាក់ស្លាកលេខបាត់ដំបង1Q1169 មានឈ្មោះវ៉ាន់ថាវ៉ាន់ដាអាយុ២២ឆ្នាំមានទីលំនៅក្រុមទី២៣ភូមិសង្កាត់វត្តគក្រុងបាត់ដំបង។ចំណែកយុវជនសង្ស័យដែលឃាត់ខ្លួនមានឈ្មោះឃុំសុខាហៅកុកអាយុ២០ឆ្នាំគ្មានទីលំនៅមិនច្បាស់លាស់។វត្ថុតាងដកហូតបានថ្នាំញៀនម៉ាទឹកកកចំនួន៣ថង់។
យុវជនម្ចាស់ម៉ូតូបានប្រាប់នគរបាលថា កាលពីថ្ងៃទី១០ ខែធ្នូ ឆ្នាំ២០១៤ ឈ្មោះ ឃុំ សុខា ហៅកុក បានខ្ចីម៉ូតូខ្លួនជិះទៅផ្សារមួយភ្លែត ក្រោយពីបានម៉ូតូជិះទៅបាត់រហូតតែម្តង ។
យុវជនសង្ស័យឈ្មោះ ឃុំ សុខា ហៅ កុក បានសារភាពថា ខ្លួនពិតជាបានខ្ចីម៉ូតូមិត្តភក្តិជិះហើយយកទៅខេត្តពោធិ៍សាត់ បញ្ចាំអោយឈ្មោះ ឈួយ អាយុ២០ឆ្នាំ រួចយកប្រាក់ទិញថ្នាំញៀនចែកចាយនៅភូមិវត្តលៀប សង្កាត់ចំការសំរោង ក្រុងបាត់ដំបង ក៏ត្រូវនគរបាលឃាត់ខ្លួនតែម្តង។
មន្ត្រីនគរបាលបានបញ្ជាក់ថា ជនសង្ស័យត្រូវកសាងសំណុំរឿងពីបទរំលោភទំនុកចិត្តរួមទាំងវត្ថុតាងថ្នាំញៀនម៉ាទឹកកក ៣ ថង់ ដែលរកឃើញជាប់ខ្លួនជនសង្ស័យបញ្ជូនទៅតុលាចាត់ការតាមនិតិវិធី ៕
