បាត់ដំបង ៖ បុរសម្នាក់ឈ្លោះគ្នាវាយធ្វើបាបប្រពន្ធ និងលែងលះប្រពន្ធតាមសាលក្រមស្ថាពរហើយ ថ្មីនេះត្រូវគ្នាវិញក្រៅផ្លូវច្បាប់ ចាប់រំលោភនាងដោយប្រើស្រោមគ្រើម កាលពីវេលាម៉ោង៦ល្ងាច ថ្ងៃទី៧ ខែមីនា ឆ្នាំ២០១៥ នៅចំណុចភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ត្រូវនាងប្តឹងអោយកម្លាំងអាវុធហត្ថស្រុកចាប់ខ្លួនបញ្ជូនទៅទីបញ្ជាការអាវុធហត្ថខេត្តចាត់ការ បន្តទៅតុលាការខេត្ត នៅរសៀលថ្ងៃទី១០ ខែមីនា ឆ្នាំ២០១៥ ចាត់ការតាមនិតិវិធី។
លោក ឡាច ប្រុស នាយការិយាល័យស្រាវជ្រាវបទល្មើសព្រហ្មទណ្ឌអាវុធហត្ថខេត្ត បានឲ្យដឹងថា បុរស សង្ស័យដែល សមត្ថកិច្ចឃាត់ខ្លួន មានឈ្មោះ ឌី ខាន់ អាយុ៥១ឆ្នាំ មុខរបរលក់ដូរ (អតីតប្តី) និងស្ត្រីរងគ្រោះជាប្រពន្ធឈ្មោះ ភឹម សម្បត្តិ អាយុ៤១ឆ្នាំ មានទីលំនៅភូមិព្រែកតាច្រែង ឃុំព្រែកនរិន្ទស្រុកឯកភ្នំ។ទាំង២នាក់មានកូន៥នាក់។
ប្រភពពីអាវុធហត្ថ ស្រុកឯកភ្នំ បានបញ្ជាក់ថា កន្លងមកជនសង្ស័យ ធ្លាប់ឈ្លោះនិងវ៉ៃប្រពន្ធ ជាញឹកញាប់រហូតដល់ប្តឹងលែងលះគ្នាចេញសាលក្រមស្ថាពរ។ក្រោយមកក៏បានមកត្រូវរ៉ូវគ្នាស្ងាត់ៗ ហើយមករស់នៅជាមួយគ្នា ជាធម្មតាលុះ ក្រោយមកចេះ តែមានទំនាស់គ្នាជារឿយៗ។
ស្ត្រីរងគ្រោះឈ្មោះ ភឹម សម្បត្តិ បានប្រាប់សមត្ថកិច្ចថា អតីតប្តីបានចាប់បង្ខំរួមភេទ ពេលនាងមានសុខភាពខ្សោយ និងប្រើស្រោមគ្រើម បណ្តាលអោយប្រដាប់ភេទនាងក្រហាយ ទើបសម្រេចចិត្តប្តឹងតែម្តង ។
បុរសសង្ស័យ បាននិយាយថា ខ្លួនរស់នៅជាមួយគ្នាប្តីប្រពន្ធ បានជាង២០ឆ្នាំ មកហើយ ព្រមទាំងមានកូន៥នាក់បានលែងលះគ្នា។លុះថ្ងៃទី៤ខែកុម្ភៈឆ្នាំ២០១៥ ប្តីប្រពន្ធទាំង ២ នាក់ បានត្រូវគ្នានាំគ្នាទៅទិញគ្រឿង សំណង់ទៅប្រគេនព្រះសង្ឃ ។ ពេលត្រឡប់មកវិញ នាំគ្នាស៊ីផឹកនៅផ្ទះ ហើយស្រវឹង ក៏មានជម្លោះ សម្តីគ្នាឈានដល់វ៉ៃតប់គ្នាមែន ។ នៅម៉ោង៦ល្ងាច ថ្ងៃទី៧ ខែមីនា ឆ្នាំ២០១៥ ខ្លួនបានសុំនាងរួមភេទ នាងប្រកែកមិនស្រួលខ្លួន បន្ទាប់មកទ្រាំមិនបាន ក៏ចាប់នាងរំលោភមែន តែមិនបានប្រើស្រោមគ្រើមទេ លុះដល់ល្ងាចថ្ងៃទី៨ ខែមីនា ក៏ត្រូវ សមត្ថកិច្ចមកឃាត់ខ្លួន តែម្តង ។
លោក ឡាច ប្រុស នាយការិយាល័យស្រាវជ្រាវបទល្មើសព្រហ្មទណ្ឌ អាវុធហត្ថខេត្តបានបុរស សង្ស័យ ត្រូវបានកសាងសំណុំរឿងហឹង្សា និងរំលោភសេពសន្ថវៈបញ្ជូនខ្លួន ទៅតុលាការខេត្ត ចាត់ការតាមនិតិវិធី ៕
