បន្ទាយមានជ័យ៖ កម្លាំងអ ហក្រុងប៉ោយប៉ែតបានសហការណ៍ជា កម្លាំងអាវុធហត្ថខេត្តបានចុះបង្ក្រាបគ្រឿងញៀន រួមទាំងបានឃាត់ខ្លួនជនសង្ស័យបាន២នាក់ និងវត្ថុតាងជាគ្រឿងញៀនមួយចំនួនផងដែរ ករណីបង្ក្រាបគ្រឿងញៀននេះ នៅចំណុចក្នុងបន្ទប់ជួល លេខ៣៧ កាលពីថ្ងៃទី០៥ ខែកក្កដា ឆ្នាំ២០១៤ ស្ថិតនៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ។
លោកឧត្តមសេនីយ៍ត្រី ឱប បូរិន មេបញ្ជាការកងរាជអាវុធហត្ថខេត្តបន្ទាយមានជ័យ បានប្រាប់ឲ្យដឹងនៅថ្ងៃទី ០៧ ខែកក្កដានេះថា ក្រោយពីបានទទួល ពីកម្លាំងសង្ងាត់ចុះស្រាវជ្រាវជាច្រើនថ្ងៃ រហូតឈានដល់ការឃាត់ខ្លួនបានជនសង្ស័យទាំង ២ នាក់នេះ បានសម្រេច រួមទាំងវត្ថុតាងជាគ្រឿងញៀនមេតំហ្វេតាមីនចំនួន២៤គ្រាប់ គ្រឿងញៀនមេតំហ្វេតាមីនប្រភេទទឹកកកចំនួន២៩ថងតូចៗ ស្មើរនឹង១០,៧៩ក្រាម គ្រឿងញៀនកេតាមីនចំនួន៣ថងតូចៗ ស្មើរនិង ១,០១ក្រាម ជញ្ជីងសម្រាប់ថ្លឹងគ្រឿងញៀនចំនួន១ គ្រឿង ទូរស័ព្ទចំនួន២គ្រឿងម៉ាក់ណូគា ម៉ូតូ១គ្រឿងម៉ាក់ឃ្លីក ពណ៌ស ស៊េរីឆ្នាំ២០១៤ គ្មានស្លាកលេខ លេខតួលេខម៉ាស៊ីន ០៥៨៤៣២៣ និងសំភារៈប្រើប្រាស់ជាច្រើនផងដែរ ។
លោកឧត្តមសេនីយ៍ត្រីបានបន្តថា ជនសង្ស័យ២នាក់ ទីឈ្មោះ ស៊ិន ណាក់ ភេទប្រុស អាយុ៤១ឆ្នាំ និងទី២ ឈ្មោះ ថន ថុយ ភេទប្រុស អាយុ៣៤ឆ្នាំ បច្ចុប្បន្នជនសង្ស័យទាំង២ នាក់នេះរស់នៅកន្លែងកើតហេតុខាងលើនេះ ។ ក្រោយពីសាកសួរនាំជនសង្ស័យទាំង ២នាក់នេះបានសារភាពថា ខ្លួនពិតជាបានប្រព្រឹត្តបទល្មើសគ្រឿងញៀន ខាងលើនេះមែន ។
បច្ចុប្បន្នត្រូវបានកម្លាំងសម្ថកិច្ចអាវុធ កំពុងតែរៀបចំសាងសំណុំរឿង បញ្ជូនទៅកាន់តុលាការ ដើម្បីចាត់ការទៅតាមនិតិវិធីច្បាប់ ៕ ដោយចិន្តា
