បាត់ដំបង ៖ មន្ត្រីនគរបាលថ្នាក់ក្រោមថា លោក រ័ត្ន បូរ៉ា ស្នងការរងកាងបទល្មើសល្បែង ហើយបុរស ៣ នាក់ និងបក្ខពួកយកដំបង និងដែកតាកេឡានវាយគេ អោយរបួសម៉ោង ៦ យប់ថ្ងៃទី ០៦ ដល់ម៉ោង ៥ ល្ងាចថ្ងៃទី០៧ ខែកក្កដា ឆ្នាំ២០១៤ នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ត្រូវបានធានានៅក្រៅឃុំនេះ មិនមែនលើកទី១ទេ បើធ្វើដូច្នេះ មន្ត្រីអនុវត្តន៍នឹងអស់តម្លៃ ។
តាមប្រភពសមត្ថកិច្ចនគរបាលបានអោយដឹងថា បុរសតៃកុងឡានមានឈ្មោះ កែវ ចាន់ធី អាយុ ៣០ ឆ្នាំរបួសស្លាបប្រចៀវ សងខាង ដៃឆ្វេង និងក្បាលមានទីលំនៅភូមិសង្កាត់រតនៈ ក្រុងបាត់ដំបង ។ រីឯអ្នករត់ម៉ូតូឌុបត្រូវ ១ដំ បងមិនបានចូលខ្លួនដាក់បណ្តឹងឡើយ ។ ចំណែកភាគីបុរសដែលមានគ្នាច្រើន មានទី១ ឈ្មោះ ឈាង ហន អាយុ ៦៧ ឆ្នាំរបួសរលាត់កក្រោយ មានរបរអ្នកដឹកអីវ៉ាន់ឈ្នួល ភ្នំពេញ បាត់ដំបង មានទីលំនៅភូមិសង្កាត់ ទទួលតាឯក ក្រុងបាត់ដំបង ។ ទី២ ឈ្មោះ កែម សុភ័ក្ត អាយុ ៣១ ឆ្នាំ ជាអ្នកប្រើដំបង ឬដេកតាកេឡាន មានទីលំនៅភូមិបឹងរៃ ឃុំឬស្សីកែវ ស្រុកព្រែកប្រសព ខេត្តក្រចេះ ។ ទី៣ ឈ្មោះ ហ៊ី សុឈីត អាយុ ២៣ ឆ្នាំជាអ្នកប្រើដំបង ឬដេកតាកេឡាន មានទីលំនៅភ្នំពេញ ។ ទាំង២នាក់មកស្នាក់បណ្តោះអាសន្ន ជាមួយឈ្មោះឈាងហន ។ ចំណែកបក្ខពួក២នាក់ទៀត ជាអ្នកបើកម៉ូតូ ដឹកមកមិនបានចូលខ្លួនទេ ។
បុរសចំណាស់ឈ្មោះ ឈាង ហន បានអោយដឹងថា ឈ្មោះ កែវ ចាន់ធី បានបើករថយន្តម៉ាកនីសាន់ កាត់តាមផ្លូវទួលតាឯក រ៉បង្ហុយផ្សែងដាក់លើខ្លួន កំពុងជិះម៉ូតូ បណ្តាលអោយប្រឡាក់ខោអាវ ខ្លួនបើកម៉ូតូតាមក្រោយរថយន្ត ។ មួយសន្ទុះរថយន្តនីសាន់ បានមកឈប់នៅផ្ទះ ឈ្មោះ គង់ ជាថៅកែដឹកអីវ៉ាន់ឈ្នួល បាត់ដំបង ភ្នំពេញ ខាងកើតផ្សារបឹងឈូក ខ្លួនក៏សួរទៅក្មេងបើកឡានថា តើឯងចេះបើកឡានទេ បើករ៉ូបង្ហុយផ្សែងមកលើគេដូច្នេះ ពេលនោះខ្ញុំទាញដៃវាចុះមក វាក៏វាយខ្ញុំ និងយកកូនសោរឡានចាក់កខាងក្រោយ អោយរបួសតែម្តង ។
ឈ្មោះ កែម សុភ័ក្ត និងឈ្មោះ ហ៊ីសុឈីត បានសារភាពថា ខ្លួនពេលកំពង់រៀបអង្កដាក់លើឡាន ស្រាប់តែមានគេទៅប្រាប់ថា មេរបស់ខ្លួន ឈ្មោះ ឈាង ហន ត្រូវបានក្រុមអ្នករត់ឡានឈ្មោះ គង់ វាយធ្វើបាបពេលនោះ ពួកខ្លួន ៤ នាក់ជិះម៉ូតូ ២ គ្រឿង ដោយឈ្មោះ វ៉ីត និងឈ្មោះ វ៉ាន់នី ជាអ្នកបើកម៉ូតូឌុបទៅ ហើយទាំង២នាក់នេះមិនបានចុះពីលើម៉ូតូឡើយ ។ ពេលទៅដល់ពួកខ្ញុំទាំង ២ នាក់ ម្នាក់កាន់ឈើជ្រុងម្នាក់កាន់ដែកតាកេឡាន ចុះវាយអ្នកបើករថយន្តបង្ហុយ ផ្សែង ត្រូវ ៤ ទៅ ៥ ដំបង បណ្តាលអោយរត់ពេញភូមិតែម្តង ។ ចំណែកអ្នកម៉ូតូឌុប ដែលចូលជួយត្រូវ ១ ដំបង ព្រោះពួកខ្ញុំស្មានតែបក្ខពួកអ្នកបើកឡានបង្ហុយផ្សែង ។
ឈ្មោះ កែវ ចាន់ធី ជនរងគ្រោះបានអោយដឹងថា ពេលខ្លួនបើកឡានតាមផ្លូវទួលតាឯក ឡានវារករលត់ក៏ជាន់ហ្គែរ៉ូតែម្តង ហើយពេលខ្ញុំមកដល់ផ្ទះថៅកែគង់ ត្រូវតាចាស់មិនដែលស្គាល់គ្នាមកស្តីបន្ទោស ទាញដីចេញពីរថយន្ត ហើយប្រតាយគ្នាភ្លាមនោះ តាចាស់បានទូរស័ព្ទហៅបក្ខពួកយកដំបងមកវាយលើខ្លួន អោយរបួសនិងរត់ពេញភូមិតែម្តង ។
លោកស្នងការងនេះ ធានាមនុស្សញាប់ជាងស្នងការរងដ៏ទៃទៀត ដូចជាអ្នកពាក់ព័ន្ធគ្រឿងញៀន និងការចាប់មនុស្សតាមវងផ្លែង គ្រប់ប្រភេទ ជាពិសេសជនបង្កហឹង្សាមានអាវុធ ៣ នាក់ថ្មីនេះ ។ ចំពោះសាក្សី និងជនរងគ្រោះ សឹងមិនហ៊ាននាំសមត្ថកិច្ចទៅផ្ទះជនបង្កហឹង្សា ព្រោះដឹងថា មានលោក រ័ត្ន បូរ៉ា នៅពីក្រោយខ្នង ព្រមទាំងស្រែកប្រាប់មហាជន អោយដឹងរឿងនេះផង ។ សមត្ថកិច្ចថ្នាក់ក្រោមថា ពិបាកធ្វើការណាស់ ព្រោះឋិតក្រោមគំនាបថ្នាក់លើ ហ៊ានចាត់ការទេ ហើយបើដូច្នេះ ពួកនេះអាងខ្នងបង្អែកថ្ងៃក្រោយ ដើរវាយគេតាមចិត្ត ហើយច្បាប់លំអៀង និងមានការសងសឹក ៕ អាលីន
