ខេត្តកំពត ៖ ច្បាប់ក្នុង ស្រុកមានតែមួយ ប៉ុន្តែអ្នកអនុវត្ត មានតាមបែបផ្សេង ៗគ្នាដែល ធ្វើអោយ ប្រជាពលរដ្ឋ ពិបាកនឹងអនុវត្តតាម ណាស់ ។ ជាក់ ស្តែងពេលថ្មីៗ នេះអង្គការអភិរក្ស ព្រៃឈើនិងអភិវឌ្ឍ ធនធានធម្មជាតិបាន ចុះឃ្លាំមើលបទល្មើស ព្រៃឈើនៅភូមិសាស្ត្រ ឃុំ ស្ទឹងកែវ ស្រុក ទឹកឈូ ខេត្តកំពត ពេលប្រទះឃើញ បទល្មើស ដែលកំពុងប្រើបាស្រ់ ម៉ាស៊ីនយន្ត (ត្រង់ស៊ីន័រ) កាប់រានដីរដ្ឋ ក្នុងតំបន់ដែនឧទ្យាន ជាតិព្រះមុន្នីវង្ស បូកគោ ខណៈនោះ ស្រាប់តែអ្នក ដែលប្រព្រឹត្តបទ ល្មើសរត់ចោល ម៉ាស៊ីនយករួចខ្លួន ។ លោក ពេជ្រ គឿន ប្រធានស្នាក់ការ អង្គការអភិរក្សព្រៃឈើនិងអភិវឌ្ឍធនធានធម្មជាតិក៏បានថតរូប ម៉ាស៊ីនត្រង់ស៊ីន័រនោះទុករួចរាយការណ៍ជូនមន្ត្រីបរិស្ថានដែលប្រចាំ ការនៅក្បែរនោះដើម្បីប្រគល់ម៉ាស៊ីនជូនសមត្ថកិច្ចជំនាញ។
មិនដល់ប៉ុន្មានម៉ោងផងស្រាប់តែលោកមេឃុំ ប្រាក់ សាមឿន មេឃុំស្ទឹងកែវ ស្រុកទឹកឈូ ខេត្តកំពត បានគំរាមដល់មន្ត្រីអង្គការអភិរក្សព្រៃឈើនិងអភិវឌ្ឍធនធានធម្មជាតិ ខេត្តកំពតថា«ពួកឯង អញប្តឹងហើយ»។
នេះគឺជាសម្តីគំរាមកំហែងផ្នែកស្មារតីដើម្បីបំបាក់ទឹកចិត្តអ្នក ដែលស្រលាញ់សម្បត្តិធម្មជាតិ អោយបាក់ស្មារតី ព្រោះនេះជាកលល្បិចដ៏អាក្រក់របស់លោក ប្រាក់ សាមឿន ដែលជាទម្លាប់ជាយូរមកហើយព្រោះអ្វីដែលគាត់មានបានក៏ដោយសារកាង បទល្មើសផ្សេងៗដូចជាព្រៃដែនឧទ្យានជាតិនោះជិតរលាយហិនហោចហើយ។ លោកប្រាក់ សាមឿន មេឃុំស្ទឹងកែវ តែងតែប្រើពាក្យថា ធ្វើអ្វីៗដើម្បីពលរដ្ឋក្នុងភូមិ ឃុំរបស់លោក ជាពិសេសដើម្បីគណៈបក្សប្រជាជន។
តាមមតិជាច្រើនដែលបានអោយ យើងដឹងនោះថា មេឃុំរូបនេះកំពុងបង្ករភាពអនាធិបតេយ្យពេញឃុំ ដោយជាន់ឈ្លី កិត្តិយសគណៈបក្សប្រជាជន ជាន់ឈ្លីប្រសាសន៍ដ៏ខ្ពង់ខ្ពស់របស់សម្តេចទាំងបី ដែលខិតខំយកចិត្តទុកដាក់លើប្រជាពលរដ្ឋទូទៅ។ ម្យ៉ាងវិញទៀតលោកមេឃុំរូបនេះបានបង្កើតល្បែងពេញឃុំ ដូចជា ជល់មាន់ អាប៉ោង បៀរ កៀបសង្កត់ប្រជាពលរដ្ឋអោយប្រព្រឹត្តបទល្មើសព្រៃឈើ ឯខ្លួនឯងចាំយកលុយ ហើយបច្ចុប្បន្ននេះទៀតលោកមេឃុំប្រាក់ សាមឿន កំពុងដើរប្រមូលទិញដីពីប្រជាជន។ តាមមតិរបស់ប្រជាពលរដ្ឋដែលសុំមិនបញ្ចោញឈ្មោះបានប្រាប់សារពត៌មាន យើងថា«គាត់ មេឃុំលក់ដីអោយគេ យកលុយគេហើយតែកំពុងខ្វះដីអោយគេ» ដូច្នេះមេឃុំនេះកំពុងរកល្បិចដកដីគេទៀតហើយ។ ប៉ុន្តែអ្វីដែលគួរអោយអស់សំណើចដែលភ្នាក់ងារយើងសួរទៅកាន់លោក មេឃុំ គាត់ឆ្លើយថា «បើបទល្មើសគេមកប្តឹងខ្ញុំៗត្រូវធ្វើបែបបទបញ្ជូនហើយ តែពេលនេះអត់ទាន់ឃើញទេ។ ហើយគេធ្វើនេះតាមការប្រជុំមេបញ្ជាការឯកភាពស្រុក»។
ស្តាប់លោកមេឃុំនិយាយទៅដូចជាមិនមែនមេឃុំ ដូចអ្នកលេងមាន់ទើបត្រូវ។ ទៅជាជនល្មើសប្តឹង គាត់ធ្វើការអោយដែរ អញ្ចឹងបញ្ជាក់អោយឃើញថាលោកបាក្រ់ សាមឿន ពិតជាកាងបទល្មើសមែន។ ជាក់ស្តែងនៅថ្ងៃទី ១៦ ខែកុម្ភៈ ឆ្នាំ២០១៥មានដីការកោះហៅរបស់លោកស្នងការរងនិងជាប្រធានការិយាល័យ កណ្តាលយុត្តិធម៌ ស្នងការដ្ឋាននគរបាលខេត្តកំពតបានកោះហៅមន្ត្រីអង្គការចំនួន៣រូប ក្នុងនោះមានលោក ភិន រុំ លោកឡឺយ គូន លោកចាន់ ប៊ុនថន អោយចូលបំភ្លឺនៅថ្ងៃទី២៦ ខែកុម្ភៈ ឆ្នាំ២០១៥ ដើម្បីសួររឿងយកម៉ាស៊ីនត្រង់ស៊ីន័រ ពីឈ្មោះឈន ផល ជាដើមបណ្តឹង។
បើនិយាយពីច្បាប់សារាចរណ៍០០១ របស់ប្រមុខរាជរដ្ឋាភិបាលនៃព្រះរាជាណាចក្រកម្ពុជានិយាយថា« ហាមមិនអោយប្រើរណាយន្តក្នុងការកាប់បំផ្លាញព្រៃឈើ ហើយបើជនណាមួយយករណាយន្តប្រើដោយគ្មានការអនុញ្ញាតិ ត្រូវផ្តន្ទាទោសតាមច្បាប់»។ ចុះហេតុអ្វីឈ្មោះឈន ផល នេះអាងមេឃុំស្ទឹងកែវ មកដាក់ពាក្យបណ្តឹងរបៀបនេះទៅវិញ? មន្ត្រីការពារសិទ្ធិមនុស្ស និងអង្គការដែលមានភារកិច្ចផ្នែកឃ្លាំមើលព្រៃឈើទាំងអស់កំពុងរង ចាំមើលលោកឧត្តមសេនីយ៍ ម៉ៅ មធរិទ្ធិ ប្រធានការិយាល័យកណ្តាលយុត្តិធម៌ ស្នងការរដ្ឋានខេត្តកំពតចាត់ការយ៉ាងដូចម្តេចរវាងអ្នកការពារនិង អ្នកបំផ្លាញព្រៃធម្មជាតិ។
ទាក់ទិននឹងរឿងនេះ មានមន្ត្រីប៉ូលីសម្នាក់បានប្រាប់ មន្ត្រីអង្គការទាំងបីថា« រឿងនេះគេត្រូវឃុំខ្លួនអ្នកទាំងបីហើយ» នេះគឺជាសម្តីគម្រាមផ្នែកស្មារតីហើយ លោកពេជ្រ គឿន ប្រធានស្នាក់ការខេត្តកំពត ក៏បានមានប្រសាសន៍ថាលោកនឹងតវ៉ារហូតដល់ទីបញ្ចប់ បើសិនមានរឿងនោះមែន ប៉ុន្តែច្បាប់បើការពារអ្នករកស៊ីបទល្មើសព្រៃឈើកាប់រានដីរដ្ឋ មិនមានទោស យើងអ្នកការពារមានទោស បាក្រដជាល្អមើលហើយ។
លោក ហ៊ុន សុខា ប្រធានក្លឹបអ្នក ការសែតឯករាជ្យ និងជាសម្ព័នអង្គការរួម គ្នាដើម្បីការពារព្រៃឈើ និងធនធានធម្មជាតិ ទាំង១២អង្គកា រត្រៀមនឹង ធ្វើ ញ្ញាតិដាក់ ទៅក្រសួងមហាផ្ទៃ ក្រសួងយុត្តិធម៌ ក្រសួងបរិស្ថាន ក្រសួងទីស្តីការគណៈរដ្ឋមន្ត្រី ខុទ្ទការល័យសម្តេចនាយករដ្ឋមន្ត្រី ដើម្បីជ្រាបពីរឿងនេះ ព្រោះពុំដែលធ្លាប់មានរឿងអញ្ចឹងទេ តាំងពីខ្ញុំធ្វើការងាររឿងព្រៃឈើនេះអស់រយៈពេលជិត១០ឆ្នាំហើយ មានតែស្នងការដ្ឋានខេត្តកំពតទេដែលទទួលពាក្យបណ្តឹងពីអ្នកបំផ្លាញ ព្រៃឈើក្នុងដែនឧទ្យានជាតិ ប៉ុន្តែនេះជានិតិវិធីច្បាប់ យើងត្រូវចូលឆ្លើយ។ ហើយអង្គការទាំងអស់ដែលធ្វើការរឿងព្រៃឈើនៅខេត្តកំពតនឹងឈរចាំ មើលនៅថ្ងៃទី២៦ ខែកុម្ភៈ នេះតើយ៉ាងម៉េច។ ចំពោះមេឃុំស្ទឹងកែវប្រាក់ សាមឿន នេះគួរតែឯកឧត្តមប្រធានក្រុមប្រឹក្សាខេត្ត អភិបាល គណៈអភិបាលខេត្តកំពតពិនិត្យមើលលោកនេះផង ព្រោះមេឃុំរូបនេះកំពុងធ្វើអោយខូចប្រយោជន៍គណៈបក្សប្រជាជន និងកំពុងធ្វើជាឧបសគ្គក្នុងការអភិវឌ្ឍន៍របស់សម្តេចតេជោ ហ៊ុន សែន ដែលសម្តេចតែងមានប្រសាសន៍ថា បើអាណិត បើចូលចិត្ត បើស្រលាញ់ បើទុកចិត្ត សូមអោយមន្ត្រីទាំងអស់ធ្វើល្អជាមួយប្រជាជនទាំងអស់។
ចំពោះមេឃុំស្ទឹងកែវឆ្លើយថា«បើជនល្មើសកាប់រានដី និងម្ចាស់ម៉ាស៊ីនត្រង់ស៊ីន័រប្តឹងលោកនឹងមាន វិធានការ តែបើអ្នករកស៊ីគេត្រូវគ្នាជាមួយអ្នកបង្ក្រាបជារឿងរបស់គេទេ»។
ចំពោះឯកឧត្តមអភិបាលខេត្តបានមានប្រសាសន៍ថា រឿងនេះសូមលោកពេជ្រ គឿន ប្រមូលភស្តុតាងដើម្បីបង្ហាញអោយសមត្ថកិច្ចបានឃើញពីដំណើររឿងនេះ។
ចំពោះលោកឧត្តមសេនីយ៍ ម៉ៅ មធរិទ្ធិ សារពត៌មានយើងមិនទាន់សុំការបំភ្លឺបានទេជុំវិញរឿងនេះដោយពុំ ទាន់មានលេខទូរស័ព្ទ។ តែយើងសង្ឃឹមថាលោកចាត់ការដោយយុត្តិធម៌បំផុត ៕
