ខេត្តរតនគិរី ៖ កម្លាំងសមត្ថកិច្ចនគរបាលសេដ្ឋកិច្ចក្រសួងមហាផ្ទៃ ដឹកនាំដោយលោក កែវ រ៉េតមន្នី និងមន្ត្រីរបស់លោកបានស្ទាក់ចាប់រថយន្តដឹកឈើប្រណិតបានចំនួន២ គ្រឿង នៅវេលាយប់ម៉ោង៩និង៣០នាទី ថ្ងៃទី០៥ ខែកុម្ភៈ ឆ្នាំ២០១៥ ស្ថិតក្នុងភូមិថ្មី ឃុំជ័យឧត្តម ស្រុកលំផាត់ ខេត្តរតនគិរី។
បន្ទាប់ពីបានទទួលព័ត៌មានដល់លោកកែវ រ៉េតមន្នី ថាមានរថយន្តដឹកឈើប្រណិតពីរគ្រឿងដោយឆ្លងកាត់ស្រុកលំផាត់ចូលក្រុង បាលុង ហើយឆ្ពោះទៅប្រទេសវៀតណាម នៅពេលដែលមានរថយន្ត២គ្រឿងដូចគេផ្តល់ពត៌មាន អោយនោះកម្លាំងរបស់លោកក៏ដេញដែលមានចំងាយជិត១០គីឡូហើយក៏ស្ទាក់ ចាប់បានតែម្តង ហើយម្ចាស់រថយន្តដឹកបទល្មើសនោះបានរត់បាតជើងសព្រាបចូលព្រៃបាត់ ស្រមោលតែម្តង។
រថយន្តម៉ាកតូយូតាមួយបាំងកន្លះ ពណ៌ក្រហម អត់ស្លាកលេខ និងរថយន្តកាមរីពណ៌ទឹកប៊ិច ពាក់ស្លាកលេខភ្នំពេញ 2E-4325 ផ្ទុកឈើប្រណិតពេញព្រៀបកំពុងសំរុកដឹកជញ្ជូនចេញពីតំបន់ព្រៃការពារ អភិរក្សក្នុងស្រុកកោះញែកខេត្តមណ្ឌលគិរី ឆ្ពោះទៅច្រកទ្វាររបៀងក្នុងស្រុកអូរយ៉ាដាវ ខេត្តរតនគិរី ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បង្ក្រាបស្ទាក់ចាប់បាន បានរឹបអូសរថយន្តទាំង២គ្រឿងមករក្សាទុកនៅការិយាល័យប្រឆាំង សេដ្ឋកិច្ចនៃស្នងការខេត្ត ធ្វើការប្រគល់ជូនអោយរដ្ឋបាលព្រៃឈើផ្នែកលំផាត់នៅព្រឹកថ្ងៃទី០៦ ខែកុម្ភៈ ឆ្នាំ២០១៥ ដើម្បីចាក់តាមច្បាប់ព្រៃឈើ៕
ជីវ៉ា
