ផ្ទៃដីប្រមាណ ៣៤៥២ ហិកតា ជាដីភូមិស្រែចំការ របស់ប្រជាពលរដ្ឋត្រូវបាន រំលោភដោយក្រុមហ៊ុនដាយ ណាម ស្ទើរទាំងស្រុង ហើយ ប្រជាពលរដ្ឋកំពុងស្ថិតនៅក្នុង ភាពគំរាមកំហែងពីសំណាក់ អាជ្ញាធរឃុំ ស្រុក ខេត្ត ដែល ប្រើប្រាស់កម្លាំងប្រដាប់អាវុធ យោធាសឹករងខេត្តមណ្ឌលគីរី ថែមទៀតផង ។
លោក គ្រឿន ប៊ុនធឿន ប្រធានភូមិអន្ទ្រងសាមគ្គីសែន ជ័យបានមានប្រសាសន៍ឱ្យដឹង កាលពីព្រឹកថ្ងៃទី០៤ ខែកក្កដា ឆ្នាំ២០១៤ នេះថា ប្រជាពល រដ្ឋប្រមាណ ៣០០គ្រួសារ កំពុងកាន់កាប់ដីស្រែចំការនិង ដីភូមិមានចំនួន៣៤៥២ហិកតា ស្ថិតនៅក្នុងភូមិអន្ទ្រង ឃុំពូ ជ្រៃ ស្រុកពេជ្រចិន្តា ខេត្ត មណ្ឌលគីរីបានកំពុងរំលោភ យកដីពីសំណាក់ក្រុមហ៊ុន ដាយណាម ជាក្រុមហ៊ុនចិន តែឈ្មោះវៀតណាមមួយនេះ ស្ទើរតែទាំងស្រុងគឺស្ទើរតែ ឈូសឆាយលំនៅដ្ឋានថែម ទៀតផង ។
លោក គ្រឿន ប៊ុនធឿន បានបន្តឱ្យដឹងទៀតថានៅ ពេលដែលក្រុមហ៊ុនឈូស ឆាយប្រជាពលរដ្ឋបានធ្វើការ តវ៉ាតែត្រូវបង្ក្រាបដោយ កម្លាំងទាហានសឹករងខេត្ត មណ្ឌលគីរី ហើយថែមទាំង ហាមប្រាមប្រជាពលរដ្ឋធ្វើ ស្រែចំការនិងប្រកបមុខរបរ ដែលបន្សល់ពីដូនតាមកនោះ ទេ ហើយប្រជាពលរដ្ឋរស់ នៅក្នុងភូមិមួយនេះភាគច្រើន ជាជនជាតិភាគតិចរស់នៅ ទីនោះ គឺអាស្រ័យទៅដោយ ការធ្វើស្រែចំការវិលជុំនិងព្រៃ មួយចំនួនទុកសម្រាប់ប្រើ ប្រាស់ជារួមហើយជាទម្លាប់ តាមរបៀបបុរាណ ផងដែរ។
គួររំលឹកផងដែរថា ប្រជា ពលរដ្ឋរស់នៅភូមិអន្ទ្រងសាមគ្គីសែនជ័យនេះ បានកាន់ កាប់ដីនេះ ចាប់ពីឆ្នាំ ១៩៧៩ មកម្ល៉េះហើយក៏បានកាន់កាប់ ដោយស្របច្បាប់ពីអាជ្ញាធរ ដែនដីចាប់ពីឆ្នាំ១៩៩៨ក្រោយ សមាហរណកម្មកងកម្លាំង ទាហានកម្ពុជាប្រជាធិបតេយ្យ (ខ្មែរក្រហម)ហើយត្រូវបាន ក្រុមហ៊ុនរំលោភយក កាលពី ឆ្នាំ២០១៣ រហូតមកទល់នឹង ពេលនេះ ។
លោក គ្រឿន ប៊ុនធឿន ប្រធានភូមិអន្ទ្រងសាមគ្គីសែន ជ័យ បានបន្តឱ្យដឹងទៀតថា បើនិយាយពីអាជ្ញាធរដែន ចាប់ពីលោក តៃ មេឃុំពូជ្រៃ លោកចៅហ្វាយស្រុកពេជ្រ ចិន្តា ជាពិសេសលោក អេង ប៊ុនហៀង អភិបាលខេត្ត មណ្ឌលគីរីដែលទើបនឹងឡើង កាន់អំណាចបានកំពុងតែគាំទ្រ យ៉ាងខ្លាំងក្លាដល់ក្រុមហ៊ុន ដាយណាមជាក្រុមហ៊ុនចិន ឈ្មោះ វៀតណាម មួយនេះឱ្យ ធ្វើសកម្មភាពរំលោភយកដី ប្រជាពលរដ្ឋទាំងអស់ដែល លោក ប៊ុនធឿន ធ្លាប់បាន កាន់កាប់ពីមុនមកចំនួន ៥. ០០០ហិកតា តែឥឡូវនៅ សល់ចំនួន ៣៤៥២ហិកតា ត្រូវ បានក្រុមហ៊ុនដាមណាយកំពុង រំលោភយកថែមទៀត ។
លោកប្រធានភូមិមាន ប្រសាសន៍ឱ្យដឹងទៀតថាអ្វី ដែលធ្វើឱ្យប្រជាពលរដ្ឋមាន ការឈឺចាប់និងក្តៅក្រហាយ នោះ គឺលោក ឃិន ម៉េង ស្រេង មេបញ្ជាការសឹករង ខេត្តមណ្ឌលគីរីបានគាំទ្រក្រុម ហ៊ុនដីសម្បទានសេដ្ឋកិច្ចដាម ណាយមួយនេះ ដោយប្រើ ប្រាស់នាយទាហាន និងពល ទាហានរបស់ខ្លួនឱ្យការពារ ក្រុមហ៊ុនចិនឈ្មោះវៀតណាម មួយនេះរំលោភយកដីព្រម ទាំងគំរាមកំហែងចាប់ចង ប្រជាពលរដ្ឋណាដែលធ្វើស្រែ ចំការហើយថែមទាំងហាម ប្រាមប្រជាពលរដ្ឋមិនឱ្យធ្វើ ស្រែចំការ ថែមទៀតផង ។
លោកបានមានប្រសាសន៍ ឱ្យដឹងទៀតថាដីភូមិស្រែចំការ របស់ប្រជាពលរដ្ឋ ៣៤៥២ ហិកតានោះ ត្រូវបានក្រុមយុវ ជនស្ម័គ្រចិត្តតេជោបានធ្វើការ វាស់វែងរួចរាល់ ព្រមទាំង ចេញសាលកបត្រថែមទៀត ផង តែលោកអភិបាលខេត្ត មណ្ឌលគីរី អេង ប៊ុនហៀង បែរជាមិនទទួលស្គាល់ដោយ ថាយកជាផ្លូវការពុំបាន ។
ការបដិសេធន៍របស់ លោក អេង ប៊ុនហៀង និង លោក ឃិន ម៉េងស្រេង មិន ទទួលស្គាល់សាលកប័ត្រក្រុម យុវជនស្ម័គ្រចិត្តតេជោនៅ ពេលនេះបានបង្ហាញឃើញ ថា បានកំពុងតែមើល ស្រាល ដល់សម្តេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិ បាលកម្ពុជាដែលជាអ្នកបង្កើត ឱ្យមានក្រុមយុវជនស្ម័គ្រចិត្ត តេជោដើម្បីវាស់វែងដីចែក ជូនប្រជាពលរដ្ឋខ្មែរនៅទូទាំង ប្រទេសផងដែរ ៕
តំណាងប្រជាពលរដ្ឋមកពីភូមិអន្ទ្រងសាមគ្គីសែនជ័យ
