ខេត្តបន្ទាយមានជ័យ ៖ នគរបាលក្រុងប៉ោយប៉ែត ធ្វើការបង្ក្រាបចាប់ឃាត់ខ្លួនជនសង្ស័យ ៤ នាក់លក់ចែកចាយថ្នាំញៀន និងដកហូតថ្នាំញៀនម៉ាទឺកកក ៥២ កូនថង់ ជាបន្តបន្ទាប់ កាលពី វេលា ម៉ោង១និង៣០ នាទីរសៀលថ្ងៃទី២៤ ខែវិច្ឆិកា ឆ្នាំ២០១៤ នៅចំណុចផ្លូវលំ ទល់មុខ សណ្ឋាគារយីហោgood luck ស្ថិតនៅភួមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
លោកវសេនីយ៍ត្រី អ៊ុំ សុផល អធិការនគរបាលក្រុងប៉ោយប៉ែតបានឱ្យដឹងថា៖ ជនសង្ស័យទាំង៤នាក់មាន១,ឈ្មោះ មួយ ធី ភេទប្រុស អាយុ៣២ឆ្នាំ ប្របកមុខរបរមិនពិតប្រាកដ បច្ចុប្បន្នរស់នៅភូមិសូភី សង្កាត់កំពុងស្វាយក្រុងសិរីសោភ័ណ ជនជាមេខ្លោងលក់ចែកចាយថ្នាំញៀនហើយកជួលបន្ទប់សណ្ឋាគារយីហោgood luck ស្នាក់ នៅក្នុងការធ្វើសកម្មភាពប្រព្រឹត្តបទល្មើសគ្រឿងញៀន ២,ស៊ុន ណារិន ភេទប្រុស អាយុ២៩ឆ្នាំ ប្រកបមុខរបរមិនពិតប្រាកដ រស់នៅភូមិសូភី សង្កាត់កំពុង ស្វាយ ក្រុងសិរីសោភ័ណ ៣,ស្រ៊ន់លីហ៊ន់ ភេទប្រុស អាយុ៣៣ឆ្នាំរស់នៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត និង៤,ឈ្មោះ ភិន ជួយ ភេទប្រុស អាយុ៣៣ឆ្នាំរស់នៅភូមិ ប៉ោយប៉ែត សង្កាត់ប៉ោយប៉ែត ។វត្ថុតាងងដកហូតបានមានថ្នាំញៀនម៉ាទឹកកកចំនួន៥២កូនថង់ស្មើ និង១៤,៥ក្រាម។
លោកវសេនីយ៍ត្រី អ៊ុំ សុផល អធិការនគរបាលក្រុងប៉ោយប៉ែតបានឱ្យដឹងថា៖ សមត្ថកិច្ចបង្ក្រាបចាប់ឃាត់ខ្លួនជនសង្ស័យទាំង៤នាក់ធ្វើឡើងនៅពេលកម្លាំងសមត្ថកិច្ចចុះ ល្បាតហើយឃើញពួកគេធ្វើសកម្មភាពមុនដំបូងឃាត់ខ្លួនជនសង្ស័យបាន២នាក់ដកហូតបាន ថ្នាំញៀនចំនួន៥១កូនថង់តូច ។ បន្ទាប់មកក៏សុំគោលការណ៍ពីលោកឧត្តមសេនីយ៍ត្រី អាត់ ខែម ស្នងការនគរបាលខេត្ត និងមានការសម្របសម្រួលការងារបង្ក្រាបពីលោក ផាន់ វណ្ណរ័ត្ន ព្រះរាជអាជ្ញាអមសាលាដំបូងខេត្ត បានអនុញ្ញាតឱ្យចុះទៅឆែកឆេរក្នុងបន្ទប់សណ្ឋាគារgood luck លេខ១០២ ដែលឈ្មោះ មួយ ធី ជួលស្នាក់នៅ ក្នុងនោះបានរកឃើញថ្នាំញៀន១កូនថង់ បន្ថែមទៀត និងជញ្ជីងសម្រាប់ថ្លឹងគ្រឿងញៀន១គ្រឿង រួមនិងសម្ភារៈឧបករណ៍ ប្រើប្រាស់មួយចំនួនទៀតផង ។
បន្ទាប់មកសមត្ថកិច្ចក៏ឈានដល់ឃាត់ខ្លួនជនសង្ស័យ២នាក់ទៀតផងដែរ។ជុំវិញដែល សណ្ឋាគារយីហោgood luck ជួលបន្ទប់ឱ្យជនសង្ស័យស្នាក់ នៅរហូតដល់១ខែក្នុងការធ្វើ សកម្មភាពលក់ចែកចាយថ្នាំញៀននៅទីនោះ គេពុំទាន់ដឹងថា សមត្ថកិច្ចនិងវិធានការទៅ និងម្ចាស់សណ្ឋាគារយ៉ាងណានោះទេ ។ ជនសង្ស័យទាំង៤នាក់រួមទាំងវត្ថុតាងត្រូវកសាងសំណុំរឿងបញ្ជូនទៅស្នងការដ្ឋានខេត្តនារសៀលថ្ងៃទី២៥ខែឆ្នាំដដែលដើម្បីចាត់ការតាមផ្លូវច្បាប់៕
