បាត់ដំបង ៖ បទល្មើសនេសាទដែលកើតឡើងនៅក្នុងរដូវហាមឃាត់ គឺជនល្មើសឆ្លៀតឱកាសដាក់ដៃ ឬបររាប់ពាន់ម៉ែត្រ ដើម្បីចាប់ត្រីតូចធំ ។ល។ ដូចជាបទល្មើសស្ថិតនៅក្នុង ភូមិច្បាប់ញាំ ស្រុកមោង ខេត្តបាត់ដំបង ។
ជនល្មើសឈ្មោះ អៀង ភេទប្រុស អាយុ48ឆ្នាំ ស្ថិតនៅក្នុងភូមិព្រែកទាល់ បានដាក់ដៃ នៅក្នុងភូមិច្បាប់ញាំ ស្រុកមោង ខេត្តបាត់ដំបង ប៉ុន្តែមិនដែលឃើញសមត្ថកិច្ចឬស្ថាប័នពាក់ព័ន្ធណាមួយបង្ក្រាបសោះ ។ កន្លងមក គេសង្កេតឃើញថា នៅចំណុចមួយចំនួន សមត្ថកិច្ចបានចាប់ ឬកាប់បំផ្លាញ ចោល យ៉ាងសកម្មបំផុត ។
ដោយឡែក កន្លែងខ្លះទៀត ជាក់ស្តែងដូចជា ទីតាំងរបស់ឈ្មោះ អៀង សមត្ថកិច្ចហាក់ដូចជាទៅហួសមកហួស ធ្វើដូចជាមិនឃើញ ដែលគេសង្ស័យថា ទំនងជា ជលផលបើកភ្លើងខៀវអោយជនល្មើស ឬកន្លែងទាំងអស់នោះ សុទ្ធតែព្រៃដុះច្រើនពេក ទើបអស់លោកសមត្ថកិច្ច និង ស្ថាប័នពាក់ព័ន្ធមើលមិនឃើញ ?៕
