ខេត្តត្បូងឃ្មុំ ៖ មានសេចក្តីរាយការណ៍ បានឱ្យដឹងថា របររកស៊ីដឹក ជញ្ជូនឈើរបស់ឧកញ៉ា អុល ត្រូវបានមជ្ឈដ្ឋាន ជាទូទៅធ្វើ ការរិះគន់យ៉ាងក្តៅគគុក ហើយបានចោទប្រកាន់ថា ឧកញ៉ា អុល កំពុងបំផ្លាញផ្លូវ យ៉ាងធ្ងន់ធ្ងរ ។
សេចក្តីរាយការណ៍ដដែល នេះបានបញ្ជាក់ថា ការដឹក ជញ្ជូនឈើរបស់ឧកញ៉ា អុល គឺមានមកពីគ្រប់ទិសទីដែល ក្នុងនោះគេសង្កេតឃើញដឹក ជញ្ជូនតាមច្រក ១២៩, ច្រក គ៣ ជាដើម ។
ក្នុងការដឹកជញ្ជូនឈើ នេះទៀតសោត គឺឧកញ៉ាអុល បានដឹកឆ្ពោះមកស្រុកមេមត់ ខេត្តត្បូងឃ្មុំ ចូលតាមច្រក ក្រវៀង, ស្រទុំ និងចាន់មូល ដើម្បីយកទៅលក់ឱ្យឈ្មួញ ដែលជាជនជាតិយួនដឹកយក ទៅស្រុកយួន ។
ប្រភពពីប្រជាពលរដ្ឋបាន ឱ្យដឹងថា ការដឹកជញ្ជូនឈើ ដោយក្រុមឧកញ៉ា អុល នេះ បានបំផ្លាញផ្លូវថ្នល់ឱ្យខូចខាត យ៉ាងធ្ងន់ធ្ងរបំផុត ធ្វើអោយ ការធ្វើដំណើររបស់ប្រជាពល រដ្ឋដែលឆ្លងកាត់តំបន់នោះត្រូវ រងនូវផលវិបាកស្ទើរតែនិយាយ លែងរួចទៅហើយ ។
ជាមួយគ្នានេះដែរ ប្រជា ពលរដ្ឋបានឱ្យដឹងទៀតថាក្នុង មួយយប់ៗមានឈើដឹកចេញ យ៉ាងតិចពី ១០០ ម៉ែត្រគូប ទៅ ២០០ម៉ែត្រគូប ។ ចំណែកមេការរបស់ឧកញ៉ា អុលបានត្អូញត្អែរប្រាប់អ្នក កាសែតថា ឥឡូវនេះរកស៊ី ឈើមិនសូវកាក់កបទេ ព្រោះ បង់ឱ្យថ្នាក់លើអស់ហើយ ។
ពុំមានការបញ្ជាក់ណា មួយថាលុយកាក់ដែលបានមក ពីការដឹកជញ្ជូនឈើរបស់ ឧកញ៉ា អុល ត្រូវបង់ទៅឱ្យ ថ្នាក់លើណាខ្លះទេ ។ ដូច្នេះ គួរតែលោក ប្រាជ្ញ ច័ន្ទ ចៅ ហ្វាយខេត្តត្បូងឃ្មុំ មេត្តាក្រឡេកមើលបទល្មើសដែលកំពុង កើតមានក្នុងដែនដីរបស់ខ្លួន ផង ពិសេសគឺការដឹកជញ្ជូន ឈើរបស់ឧកញ៉ា អុល យក ទៅលក់ឱ្យឈ្មួញជនជាតិយួន តែម្តង ។ ហើយអ្វីដែលធ្វើឱ្យ មានការរិះគន់ខ្លាំងៗនោះគឺការ ដឹកជញ្ជូនឈើរបស់ឧកញ៉ា អុល បានបំផ្លាញផ្លូវថ្នល់ឱ្យ ខូចខាតយ៉ាងធ្ងន់ធ្ងរបំផុត ដែលចាំបាច់ត្រូវតែមានវិធាន ការទប់ស្កាត់ជាបន្ទាន់ ៕
