ភ្នំពេញ ៖ ក្រុមហ៊ុនដឹកអ្នកដំណើរមួយមានទីតាំងនៅផ្លូវ លេខ១៣៤ បានយកផ្លូវសាធា រណៈធ្វើចំណតរថយន្តរបស់ ខ្លួនទំនងជាមានអ្នកមាន អំណាចបុណ្យស័ក្តិធំណាមួយ នៅពីក្រោយខ្នងទើបហ៊ានធ្វើបែបនេះដោយមិនខ្លាចរអា ច្បាប់នោះឡើយ ។
ប្រជាពលរដ្ឋរស់នៅក្នុង សង្កាត់មិត្តភាពបាននិយាយឱ្យ ដឹងកាលពីពេលថ្មីៗនេះថា ក្រុមហ៊ុនដឹកអ្នកដំណើរឈ្មោះ អង្គរសេវេន បានយករថយន្ត ដឹកអ្នកដំណើរ របស់ខ្លួនទៅ ចតតាមបណ្តោយផ្លូវលេខ ១៣៤ ស្ថិតក្នុងសង្កាត់មិត្តភាព ខណ្ឌ៧មករា រាជធានីភ្នំពេញ បណ្តាលឱ្យមានការកកស្ទះ រំខានដល់ប្រជាពលរដ្ឋដែល ធ្វើដំណើរតាមបណ្តោយផ្លូវ មួយនេះ ។
ប្រភពដដែលបានឱ្យដឹងថា ក្រុមហ៊ុន អង្គរសេវេននេះ បានបោះទីតាំងក្រុមហ៊ុនរបស់ ខ្លួននៅតាមបណ្តោយផ្លូវនេះ ហើយបានយករថយន្តរបស់ ខ្លួនចតលើផ្លូវ សាធារណៈមួយ នេះទាំងសងខាងធ្វើឱ្យផ្លូវរួម តូចចង្អៀតលំបាកធ្វើដំណើរ។ ម្យ៉ាងវិញទៀតរថយន្តរបស់ ក្រុមហ៊ុនមួយនេះចតបាំងមុខ ផ្ទះប្រជាពលរដ្ឋបណ្តាលឱ្យ ប៉ះពាល់ដល់ការចេញចូលផ្ទះ របស់ប្រជាពលរដ្ឋទាំងអស់ នោះផង ។
ប្រភពដដែលបានឱ្យដឹង ទៀតថា ម្ចាស់ក្រុមហ៊ុន អង្គរ សេវេននេះ ទំនងជាមានអ្នក មានអំណាចបុណ្យស័ក្តិនៅពី ក្រោយខ្នងទើបហ៊ានប្រព្រឹត្តអំពើល្មើសទៅនឹងច្បាប់ ចរាចរណ៍ផ្លូវគោក ។
ករណីនេះគួរតែលោក ចៅសង្កាត់មិត្តភាពនិងលោក អភិបាលខណ្ឌ ៧មករា ពិនិត្យ មើលសកម្មភាពរបស់ក្រុមហ៊ុន អង្គរសេវេន ដែលយកផ្លូវលេខ ១៣៤ ធ្វើជា ចំណតរថយន្តធ្វើ អោយប៉ះពាល់ដល់សុវត្ថិភាព របស់ប្រជាពលរដ្ឋនិងជា សកម្មភាពប្រឆាំងទៅនឹង គោលនយោបាយភូមិ-ឃុំ មានសុវត្ថិភាពរបស់រាជរដ្ឋាភិ បាលផងដែរ ។
អ្នកដែលហ៊ានធ្វើអំពើល្មើសច្បាប់រំលោភទៅលើ សិទ្ធិធ្វើដំណើរនិងការរស់នៅ របស់ប្រជាពលរដ្ឋបានដូច ម្ចាស់ក្រុមហ៊ុន អង្គរសេវេន នេះ ទំនងនៅជាមានបុណ្យ ស័ក្តិធំទើបអាចយកផ្លូវសាធា រណធ្វើជាចំណតរថយន្ត ព្រោះក្រុមហ៊ុន សេវេនអង្គរ នេះពុំមានទីតាំងសម្រាប់ ឈប់សំចតរថយន្តនោះទេ ទើបយកផ្លូវលេខ១៣៤ ធ្វើជា ចំណតរបស់ក្រុមហ៊ុនទៅវិញ ៕
ដោយ ៖ សហការី
