ខេត្តបាត់ដំបង ៖ ដីចំការចំនួន៨០ហិចតាត្រូវបានអគ្គីភ័យឆាបឆេះយ៉ាងសន្ធោសន្ធៅ ដោយមិនដឹងមូលហេតុច្បាស់លាស់ ថាមានអ្នកលួចដុតឬយ៉ាងណាទេ? នៅវេលាម៉ោង ១៦និង៤៥នាទី ថ្ងៃទី០៨ ខែមេសា ឆ្នាំ២០២៤ នៅចំណុចស្រែព្រីង ស្ថិតក្នុងភូមិធ្ង័រ ឃុំចែងមានជ័យ ស្រុកបាណន់ ខេត្តបាត់ដំបង ។
នៅក្នុងហេតុការណ៍អគ្គីភ័យខាងលើនេះដែរ ភ្លាមៗសមត្ថកិច្ចបានចេញរថយន្តពន្លត់អគ្គីភ័យចំនួន២គ្រឿង ដើម្បីចុះអន្តរាគមន៍ពន្លត់ តែពេលទៅដល់បានដើរមើលស្ថានភាពផ្លូវមានព្រៃស្តុក ផ្លូវចង្អៀត មិនអាចចូលបានប៉ុន្តែយើងបានរកត្រាក់ទ័រមកឈូសទប់ស្កាត់កុំអោយភ្លើងឆេះរាលបន្តទៅទៀតបាន១០០%បញ្ចប់នៅវេលាម៉ោង២០និង៣០នាទី។
សមត្ថកិច្ចបានអោយដឹងថាដីចំការស្វាយដែលត្រូវអគ្គីភ័យឆាបឆេះខាងលើ មានទំហំផ្ទៃដីចំនួន៨០ហិចតា ហើយត្រូវបានឆេះអស់ប្រហែល៤០% ដែលមានម្ចាស់ឈ្មោះ ឡុង សយសុធី ភេទប្រុស រស់នៅក្រុងបាត់ដំបង ខេត្តបាត់ដំបង។
ករណីឆេះដីចំការដោយមិនដឹងមូលហេតុច្បាស់លាស់ ថា មានអ្នកលួចដុតឬយ៉ាងណាទេ? ប៉ុន្តែភាគច្រើនសន្និដ្ឋានដោយរដូវធ្វើស្រែចំការ មានអ្នកចំការជិតខាងគាត់ភ្ជួររសដីថ្មីហើយដុតព្រៃសេសសល់ចោលហើយមិនបានមើលវាអាចរាលដាលឬក៏ខ្យល់វ៉ៃប៉ើងកំទេចភ្លើងធ្លាក់មកលើចំការគាត់ និងការដុតគល់ការច្រាំងចំបើងហុយផ្កាភ្លើងធ្លាក់ចំស្លឹកឈើងាប់ៗក្នុងចំការខាងលើ បណ្តាលអោយឆាបឆេះដីចំការរហូតដល់៨០ហិចតាតែម្តង។
ដូច្នេះសមត្ថកិច្ចសូមអំពាវនាវដល់ប្រជាពលរដ្ឋទាំងពេលដិតសំរាមក្តី ដុតច្រាំងស្រែក្តី ដុតព្រៃសេសសល់ក្និងចំការក្តីត្រូវនៅមើលចាំភ្លើងរលត់អស់ចាំចាកចេញ ដើម្បីកុំឲ្យភ្លើងរាលដាលដ់ស្រែចំការអ្នលដ៏ទៃទៀត៕
