បាត់ដំបង ៖ ក្រោយពីគណកម្មការប្រកាសតែងតាំង ព្រះគ្រួដួង សុខន ចៅអធិការវត្តកែវ មរកត ហៅវត្តភ្នំខ្ពស់ កាលពីម៉ោង ១១ និង ៣០ នាទី ថ្ងៃទី១៩ ខែតុលា ឆ្នាំ២០១៤ នៅវត្តវកែវមរកតហៅវត្តភ្នំខ្ពស់ ក្នុងភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង កន្លងមក ពុទ្ធបរិស័ទប្រមាណជាង ១០០ នាក់ មកពីស្រុកផ្សេងៗមិនសុខចិត្ត ចំពោះការតែងតាំងបាននាំគ្នាគាំទ្រសុំឲ្យព្រះសង្ឃព្រះនាម ឃឹម សំអឿន (សង្ឍគង់វត្តភ្នំខ្ពស់មានស្រាប់)
ធ្វើជាចៅអធិការវត្តដដែល ហេតុការនេះផ្ទុះឡើងកាលពីថ្ងៃទី២០ខែតុលាឆ្នាំ២០១៤។
ស្រីម្នាក់ (សុំមិនបញ្ចេញឈ្មោះ) មកពីស្រុកសាលាក្រៅខេត្តប៉ៃលិន បាននិយាយថា ពួកគាត់ទាមទារសុំគាំទ្រ ព្រះគ្រួនាម ឃឹម សំអឿន ដែលគង់នៅជាយូរមកហើយតាំងពីវត្តបានកកើតពីបាតដៃទទេ រហូតមានវិហារសាលាឆាន់ ។ ស្ត្រីរួបនេះបន្តថាពួកគេមិនរំសាយចេញ បើនៅមានវត្តមានព្រះគ្រួ ដួង សុខន ចៅអធិការឡើងថ្មី។ការប្រកាសតែងតាំងឬការដកត្រាបណ្ដេញចេញធ្វើឡើងស្ងាត់ៗ ដូចប្លន់អីចឹង ដែលប្រជាពលរដ្ឋមិនដឹងបន្តិចសោះ។
ចំណែកព្រះសង្ឃ ឃឹម សំអឿន ដែលគង់នៅវត្តភ្នំខ្ពស់យូរហើយបានមានសង្ឃដីកាថា ព្រះអង្គពុំមានទាមទារក្រាញចង់បានអំណាចអ្វីទេ ប៉ុន្តែព្រះអង្គមានការងឿងឆ្ងន់ថា ការប្រកាសតែងតាំងព្រះគ្រួចៅអធិការថ្មី គឺពុំបានធ្វើទៅតាមបែបព្រះពុទ្ធសាសនា ដូចជាមានសម្ដេចសង្ឃ ឬព្រះមេគណខេត្តបានមកសូត្រព្រះធម៌ ឬស្រោចសោគនវីរីនោះទេ ។ ព្រះអង្គបានបញ្ជាក់ថា ការប្រកាសតែងតាំង ឬរៀបចំរចនាសម្ព័ន្ធសង្ឃនៅរសៀលថ្ងៃទី១៩ ខែតុលា ឆ្នាំ២០១៤ នោះ គឺមានតែមន្ត្រីធម្មកាស្រុកបាណន់និងអាជ្ញាធរមកអានសេចក្ដីប្រកាសតែងតាំងព្រះសង្ឃទាំងបីអង្គជាជៅអធិការ និងគ្រួសូត្រឆ្វេងនិងស្ដាំប៉ុណ្ណោះ ដោយគ្មាប្រជាពលរដ្ឋចូលរួមឡើយ ។ ព្រះអង្គបានបន្តថាព្រះគ្រួព្រះនាមដួង សុខនគឺបួសបានតែជាងមួយវស្សាទេហើយត្រូវរូវគ្នា និងមន្ត្រីធម្មកា បានឡើងជាចៅអធិកាវត្តតែម្ដង ។ ព្រះគ្រួបានបញ្ជាក់ថាព្រះអង្គពុំមានចង់បានអំណាចអ្វីទេ ប៉ុន្តែបើប្រជាពលរដ្ឋចងបានទាមទារឲ្យព្រះអង្គនិមន្តទៅនៅកន្លែង ណានិងបំពេញបំណងជួន ដើម្បីយុត្តិធម្មនិងលទ្ធិប្រជាធិបតេយ្យដែលព្រះអង្គស្រឡាញ់និងបម្រើសព្ធថ្ងៃ ។
លោក ចៅ សុឃឿន ប្រធានការិយាល័យធម្មការស្រុកបាណន់បានឲ្យដឹងថា ការសម្រេចប្រកាសតែងតាំងព្រះគ្រួ ដួង សុខន ជាព្រះចៅអធិការវត្តកែវមរកត គឺព្រះអង្គមានចំណេះដឹង និងគោរពវិន័យដែលព្រះគ្រួមេគណ អនុគណ ស្រុកខេត្តបានជ្រើសរើសយក ។ ចំណែកព្រះសង្ឃព្រះនាម ឃឹម សំអឿន ដែលនៅគង់តាំងយូរមែននោះ គឺមេគណអនុគណ បានប្រកាសជាព្រះគ្រួសូត្រស្ដាំ និងព្រះអង្គព្រះនាម គឹម រ៉ាំ ជាគ្រួសូត្រឆ្វេង ។ មួលហេតុដែលព្រះមេគណអនុគណស្រុកខេត្តពុំជ្រើសរើសព្រះអង្គឃឹម សំអឿន ជាចៅអធិការ គឺខាងការិយាល័យធម្មការ ស្រុកបាណន់ គ្រប់គ្រងមិនបាន និងពុំសូវបានចួលរួមប្រជុំ ឬមិនគោរពវិន័យសាសនាទាំងការកសាងវត្តធ្វើរបងដូចជាលានដ្ឋានត្រៀមប្រយុទ្ធ ។
លោក ចៅ សុឃឿន ប្រធានការិយាល័យធម្មការ ស្រុកបាណន់បានប្រាប់តាមទួរស័ព្ធ កាលពីរសៀលថ្ងៃទី២០ ខែតុលា ថាការជ្រើសរើស និងអនុវត្តតាមសង្ឃប្រកាសរបស់ព្រះគ្រួមេគណ អនុគណស្រុកខេត្ត ដែលសម្រេចប្រកាសព្រះគ្រួព្រះនាម ដួង សុខន ជាព្រះចៅអធិការវត្ត និងព្រះអង្គព្រះនាមឃឹម សំអឿនជាគ្រួសូត្រស្ដាំនិងព្រះអង្គព្រះនាម គឹម រ៉ាំ ជាគ្រួសូត្រឆ្វេង ។ ទាំងនេះគឺជាការរៀបចំរចនាសម្ព័ន្ធសង្ឃ និងវត្តអារាម ដើម្បីបម្រើ វិស័យសាសនាប៉ុណ្ណោះ ព្រះវត្តភ្នំខ្ពស់តាំងពីកកើតឡើងមកពុំមានរចនាសម្ព័ន្ធសង្ឃ ឬគ្រប់គ្រងជាវត្តអារាមឡើយ ។ លោកបានបញ្ជាក់ថា ព្រះសង្ឃព្រះនាម ឃឹម សំអឿន គឺព្រះអង្គពិតជាបានមកគង់ នៅកសាងវត្តភ្នំខ្ពស់ ប្រាកដមែន ប៉ុន្តែព្រះអង្គមិនដែលសូវនៅវត្តភាគច្រើននិមន្តទៅឆ្ងាយៗមិនសូវបានចូលរួមប្រជុំផ្នែកសង្ឃ ឬខាងធម្មការស្រុកបាណន់គ្រប់គ្រង មិនបានផងដែរ ។ មួលហេតុនេះទាំងព្រះគ្រួមេគណ អនុគណ ស្រុកខេត្តបានជ្រើសរើសព្រះអង្គ ដួង សុខន ជាចៅអធិកាវត្តនេះ ទោះបីព្រះអង្គបួសបានតិចព្រះវស្សាក្ដី ប៉ុន្តែព្រះអង្គ ដួង សុខន ធ្លាប់រៀនសូត្រព្រះធម្ម និងធ្វើជាអាចារ្យហើយ ទើបមកបួស ដោយមើលឃើញពីសមត្ថភាពចេះគ្រប់គ្រង និងចេះធម្មអារ្យច្រើន ទើបព្រះមេគណជ្រើសរើសឡើង ។
ចំណែកលោក ជុំ ញ៉ អភិបាលស្រុកបាណន់ បានអោយដឹងថា ប្រជាពលរដ្ឋ ដែលលើកគ្នាមកគាំទ្រ និងប្រឆាំងសេក្ដីសម្រេច ប្រកាសតែងតាំង ព្រះចៅអធិការវត្តភ្នំខ្ពស់ គឺពុំមានប្រជាពលរដ្ឋ នៅក្នុងមួលដ្ឋានទេ គឺមានតែប្រជាពលរដ្ឋ មកពីស្រុកខេត្តផ្សេងៗ ដើម្បីបង្កអស្ថេរភាពសង្គមប៉ុណ្ណោះ ។ លោកបានបញ្ជាក់ការតវ៉ា ឬលើកគ្នាមកប្រឆាំងទាមទារ ដែលមានពាក់ពាន់គណបក្សប្រឆាំងញុះញង់ នៅពីក្រោយខ្នង ។ លោកបានដាក់កម្លាំងការពារសន្តិសុខជូនប្រជាពលរដ្ឋនិងព្រះសង្ឃនៅក្នុងវត្ត ក្រែងមានអំពើរហឹង្សាកើតឡើង ជាយថាហេតុផងដែរ ៕
