ខេត្តបន្ទាយមានជ័យ ៖ មន្ត្រីកាំកុងត្រូលសាខាខេត្តបន្ទាយមានជ័យបានប្រមូលទំនិញខូចគុណភាពចម្រុះមានចំនួន២៣៩០គីឡូក្រាម និងមួយចំនួនដប កញ្ចប់ កំប៉ុង ជាច្រើនទៀត ក្រោយការបញ្ជាផ្ទាល់ពីលោក អ៊ុត សុភាពប្រធានការិយាកាំកុងត្រូល សាខាខេត្តបន្ទាយមានជ័យ បានយកទំនិញខូចគុណភាពទៅកម្ទេចចោល នៅត្រង់ដីបរិវេណកាស៊ីណូផ្កាយ៥ នៅវេលាម៉ោង ១១និងង២០នាទីព្រឹក ថ្ងៃទី២១ ខេតុលា ឆ្នាំ២០១៤ ស្ថិតនៅភូមិក្បាលស្ពាន សង្កាត់-ក្រុងប៉ោយប៉ែត ខេត្តបន្ទាយមានជ័យ ។
លោក អ៊ុត សុភាពប្រធានការិយាល័យកាំកុងត្រូលសាខាខេត្ត បានថ្លែងឲ្យដឹងថា ក្រោយបង្ក្រាប និងឃាត់ទុករយះពេល៩ខែចំពោះទំនិញដែលខូចគុណភាពនោះ គឺឃាត់ពីឈ្មួញនាំយកពីប្រទេសថៃ តាមច្រកទ្វាអន្តរជាតិប៉ោយប៉ែត ឈមនិងច្រកខ្លងលឹកស្រុកអារញ្ញ និងចំនួនច្រើនទៀតមន្ត្រីកាំកុងត្រូលបានចុះធ្វើការណែនាំ និងឃាត់យកមកតាមទីផ្សារ តាមតូប និងតាមហាងធំៗ ដែលសុទ្ធសឹងខូចគុណភាពក្រុមការងារ របស់លោកដោយមានការណែនាំពីសំណាក់រដ្ឋមន្ត្រី ក្រសួងពាណិជ្ជកម្ម បានប្រមូលមកដុតកម្ទេចចោលទាំងស្រុងដូច្នេះ ។
លោកអ៊ុត សុភាពបានថ្លែងបន្តថា ទំនិញដែរមន្ត្រីឃាត់បាននៅត្រង់ច្រកទ្វារអន្តរជាតិប៉ោយប៉ែត រួមមាន កម្ទេចនំ ចំនួន១១០គីឡូក្រាម ឡេខូចគុណភាព ចំនួន ៥កេស ទឹកខ្ទឹមគ្មានស្លាកសញ្ញាត្រឹមត្រូវ ចំនួន៥កេស ស្មើនិង៥០គីឡូក្រាម ស្កគ្រាប់គ្មានស្លាកសញ្ញា ចំនួន១០យួរ ស្មើនិង៨០គីឡូក្រាម ត្រីខ កំប៉ុងធំ ចំនួន ២៩កេស ស្មើនិង៤៧៥គីឡូក្រាម ឡេគ្មានស្លាកសញ្ញាធំៗចំនួន ៦កេស ស្មើនិង៣០០គីឡូក្រាម ទឹកខ្មេះ ចំនួន២៩កេស ស្មើនិង២៩០គីឡូក្រាម ទឹកស៊ីរ៉ូ ចំនួន ១៥ កេស ស្មើនិង៣០០គីឡូក្រាម ត្រណាប់កន្ទួត ចំនួន២៩កេស ស្មើនិង ១៤៥គីឡូក្រាម និងត្រីខ កំប៉ុងតូច ចំនួន៣០កេស ស្មើនិង១៥០០កំប៉ុង និងស្មើនិង៧៥០គីឡូក្រាម ។
ទំនិញខូចគុណភាព និងទំនិញផុតថ្ងៃកំណត់ប្រើប្រាស់ ត្រូវបានកម្លាំងរបស់លោក ឃាត់បានតាមទីផ្សារ និងតាមតូប ហាងធំៗ រួមមាន ស្រាបៀ Heineken ចំនួន៥០កំប៉ុង (ខ្មែរ) ស្រាបៀ Tiger (ខ្មែរ) ចំនួន៤៥កំប៉ុង ទឹកក្រូច ម៉ាក Big cola ចំណុះ៣លិត្រ(ថៃ) ចំនួន៥៥ដប ទឹកក្រូចចម្រុះ(ថៃ) ចំណុះ ១,២៥លិត្រ ចំនួន ១៥៣ដប ទឹកក្រូចចម្រុះ(ថៃ) ចំណុះ ៤៥មីលីលិត្រ ចំនួន ៥៨ដប ទឹកក្រូច Splash(ថៃ) ចំនួន៤ដប នំសូកូឡា Yossi(ថៃ)ចំនួន ១៦កញ្ចប់ ទឹកសូដា(ថៃ) ចំនួន៧១កំប៉ុង មីម៉ាម៉ា(ថៃ) ចំនួន៤កញ្ចប់ នំប័ងុ So cola(ខ្មែរ)ចំនួន ១៥៤កញ្ចប់ ចាហួយចម្រុះ(ថៃ)ចំនួន ៤០២ដុំ កាហ្វេកញ្ចប់ (ថៃ) ចំនួន៣៧០កញ្ចប់ Spy (ថៃ)ចំនួន ៤១ដប ម្សៅដោះគោ(ថៃ) ចំនួន៨កំប៉ុង តែ និងសូដាចម្រុះ (ថៃ) ចំនួន២៤ដប ស្កគ្រាប់Cool Air(ថៃ)ចំនួន១៦កញ្ចប់ នំប្រៃAFC(ថៃ) ចំនួន៧២កញ្ចប់ ។
លោកសូមអំពាវនាដល់ប្រជាពលរដ្ឋ និងអាជីករ ឈ្មួញទាំងអស់មេត្តាចូលរួមសហការណ៍ជាមួយសមត្ថកិច្ចជំនាញ ដើម្បីជៀសវាងការគ្រោះថ្នាក់ដល់សុខភាព និងអាយុជីវិតដល់ប្រជាពលរដ្ឋ មិនត្រូវបរិភោគ របស់ដែលខូចគុណភាព ដែលត្រូវបានឈ្មួញលួចនាំចូលពីប្រទេសថៃ ធ្វើឲ្យប៉ះពាល់ដល់សុខភាពយ៉ាងធ្ងន់ធ្ងរខ្លាំងណាស់ ៕
ដោយចិន្តា
