ខេត្តបន្ទាយមានជ័យ ៖ រថយន្តបាឡែនពណ៌ខ្មៅ បុកម៉ូតូសង់ឌ្រីមបញ្ច្រាសទិសគ្នាពេញទំហឹងបណ្តាលឲ្យម្ចាស់ម៉ូតូ ស្លាប់ដោយអាណោធអាធ័មបំផុត ដោយរូបរាងកាយចេញពីគ្នា បែកសាច់ បែកឈាម កាលម៉ោង១១ និង៤៥នាទីព្រឹកថ្ងៃទី១៩ ខែតុលា ឆ្នាំ២០១៤ លើកំណាត់ផ្លូវជាតិលេខ៦ខាងកើតភូមិភ្នំលៀបឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។
បើតាមសាក្សីដែលឃើញហេតុការណ៍បានឱ្យដឹងថា មុនពេលកើតហេតុ គេឃើញជនរងគ្រោះបើកបរម៉ូតូពីកើតទៅលិចបើករេពេញផ្លូវទំនងជាស្រវឹងពេលនោះមានរថយន្តម៉ាកតូយ៉ូតាកាមរីបាឡែន បើកពីលិចទៅកើតបញ្ច្រាសទិសគ្នាខណៈដល់ចំណុចកើតហេតុមិនដឹងយ៉ាងម៉េចស្រាប់តែរថយន្តនិងម៉ូតូបុកគ្នាពេញទំហឹងបណ្តាលឲ្យអ្នកបើកបរម៉ូតូដាច់១កំណាត់ខ្លួនត្រឹមចង្កេះជាប់នឹងដំបូលរថយន្តរីឯ១កំណាត់ចង្កេះមកក្រោមដាច់រាយប៉ាយលើផ្លូវ ចំណែកម៉ូតូនិងរថយន្តជាប់គ្នាខូចធ្ងន់ទាំង២គ្រឿង។
ក្រោយពីកើតហេតុគេឃើញមានសមត្ថកិច្ចចុះទៅវាស់វែង និងបានស្រាវជ្រាវរកក្រុមគ្រួសារ រងគ្រោះ ដើម្បីយកទៅធ្វើបុណ្យតាមប្រពៃណីខ្មែរ។
លោកអនុសេនីយ័ត្រី ភ្លឹងវិចិត្រនាយផ្នែកសណ្តាប់ធ្នាប់ចរាចរណ៍បានឲ្យងឹងថា ជនរងគ្រោះមានឈ្មោះ ឌិនជុន ភេទប្រុស អាយុ៤៩ឆ្នាំ នៅភូមិព្រីងកោង ឃុំបុស្បូវស្រុកព្រះនេត្រព្រះ បើកបរម៉ូតូម៉ាកហុងដា ធុនសេ១២៥ ស៊េរី២០១១ពណ៌ខ្មៅ ពាក់ស្លាកលេខ សៀមរាប 1l-4869 ។ចំណែករថយន្តម៉ាកតូយ៉ូតាកាមរីបាឡែន ពណ៌ទឹកប៊ិចពាក់ស្លាកលេខសៀមរាប2A-6961 អ្នកបើកបររថយន្តមិនត្រូវបានគេស្គាល់ឈ្មោះទេ បន្ទាប់ពីកើតហេតុរត់គេចខ្លួនបាត់។ បច្ចុប្បន្នសមត្ថកិច្ចបានយករថតយន្តបង្ក និងម៉ូតូរងគ្រោះទៅរក្សាទុកបណ្តុះអាសន្ន នៅអធិការដ្ឋានគរបាលស្រុកព្រះនេត្រព្រះ និងតាមស្រាវជ្រាវរកម្ចាស់រថយន្ត ដើម្បីកមដោះស្រាយគ្នាចំពោះមុខច្បាប់ ៕
ដោយចិន្តា
