ខេត្តបាត់ដំបង ៖ កម្លាំងអាវុធហត្ថការិយាល័យប្រឆាំងគ្រឿងញៀនបានធ្វើការស្រាវជ្រាវឃាត់ខ្លួនជនសង្ស័យ ០២ នាក់ស្រី១នាក់ ខ្ទើយ១នាក់ ពេលកំពុងជិះម៉ូតូ ដកហូតគ្រឿងញៀនម៉ាទឹកកក ០១ កញ្ចប់ ទម្ងន់ ០,៤៤ ក្រាម សុំការអនុវត្តបន្តពីតុលាការ ចុះឆែកឆេរផ្ទះរកឃើញគ្រឿងញៀនម៉ាទឹកកក ១៣ កញ្ចប់ ទម្ងន់ ៤៦៩ ក្រាម និងសម្ភារ:មួយចំនួនទៀត នៅម៉ោង ០៧ និង ៣០ នាទព្រឹកី ថ្ងៃទី ៤ ខែកុម្ភ: ឆ្នាំ២០១៧ លំនៅដ្ឋានរបស់ឈ្មោះ វ៉ា ស៊ីថារ៉េន ស្ថិតក្នុងភូមិ ជ្រៃកោង សង្កាត់ ស្លាកែត ក្រុង បាត់ដំបង។
សមត្ថកិច្ចអាវុធហត្ថខេត្តបានឲ្យដឹងថា នៅម៉ោង ០០ និង ៣០ នាទី ថ្ងៃទី ៤ ខែ កុម្ភះ ឆ្នាំ ២០១៧សមត្ថកិច្ចឃាត់ ១-ឈ្មោះ វ៉ា ស៊ីថារ៉េន ហៅ អ៊ូក ភេទ ស្រី អាយុ ៣៧ ឆ្នាំ មុខរបរ គ្មាន ទីលំនៅភូមិ រតន: សង្កាត់ រតន: ក្រុង បាត់ដំបង ២-ឈ្មោះ វោ វុទ្ឋី ហៅ វី ភេទ ប្រុស អាយុ ២៨ ឆ្នាំ ( ខ្ទើយ) មុខរបរ គ្មាន ទីលំនៅភូមិ រតន: សង្កាត់ រតន: ក្រុង បាត់ដំបង ។
វត្ថុតាងដកហូតមាន៖ ១-គ្រឿងញៀនម៉ាទឹកកក ០១ កញ្ចប់ ទម្ងន់ ០,៤៤ ក្រាម ២-ម៉ូតូ ០១ គ្រឿង ម៉ាក ហុងដាឃ្លីច ពណ៍ ក្រហម ស៊េរីឆ្នាំ ២០១៦ គ្មានផ្លាកលេខ ។ លុះម៉ោង ០៧ និង ៣០ នាទី ថ្ងៃទី ៤ ខែកុម្ភ: ឆ្នាំ២០១៧ ដោយសារបានការអនុញ្ញាត្តពីលោក ហេង លុយ ព្រះរាជអាជ្ញារងអមសាលាដំបូងខេត្តបាត់ដំបង កម្លាំងជំនាញបានទៅឆែកឆេរ លំនៅដ្ឋានរបស់ឈ្មោះ វ៉ា ស៊ីថារ៉េន ស្ថិតក្នុងភូមិ ជ្រៃកោង សង្កាត់ ស្លាកែត ក្រុង បាត់ដំបង រកឃើញគ្រឿងញៀនម៉ាទឹកកក ១៣ កញ្ចប់ ទម្ងន់ ៤៦៩ ក្រាម ជញ្ជីងថ្លឹងគ្រឿងញៀន ០២ គ្រឿង, ទូរស័ព្ទដៃ ០៦ គ្រឿង ។
ជាលទ្ធផលសរុបវត្ថុតាងសរុប ៖ ១-គ្រឿងញៀនម៉ាទឹកកក ១៤ កញ្ចប់ ទម្ងន់ ៤៦៩,៤៤ ក្រាម ២-ជញ្ជីងថ្លឹងគ្រឿងញៀន ០២ គ្រឿង ៣-ម៉ូតូ ០១ គ្រឿង ម៉ាក ហុងដាឃ្លីច ពណ៍ ក្រហម ស៊េរីឆ្នាំ ២០១៦ ៤-ទូរស័ព្ទដៃ ០៦ គ្រឿង ។
បច្ខុប្បន្នជនសង្ស័យទាំង២នាក់ និង វត្ថុតាងថ្នាំញៀន កំពុងកសាងសំណុំរឿងបញ្ជូនទៅតុលាកាចាត់ការតាមនិតិវិធី ៕
